632 ASSOCIATIONIS

Ergo facta hypothesi Iosephum duplex habuisse domicilium, non poterat excludi Parochus domicilii romani ad participandam quartam funeris quod in urbe N fuit celebratum.

At vero, etsi omnia funebria quae in urbe N gesta sunt ad unum funus universim consideratum referebantur ; a t tamen ra- tione iurium distinguendum erat funus celebratum in templo Re- gularium, et associatio cadaveris pompa funebri facta usque ad templum N. Quare et altera oriebatur quaestio : ad quem perti- nerent huius associationis emolumenta.

Ad hanc resolvendam quaestionem recolebatur Constitutio Benedicti XIII, Romanus Pontifex, anno 1725 pro Italia insuli- sque adiacentibus edita, in qua haec inter cetera constituit: « Statuimus... ut... Parochis defunctorum, qui in ecclesiis quo- « rumcumque Regularium tumulahuntur, persolvatur et cum effectu « tradatur quarta pars omnium Intorticiorum et candelarum qui- « bus defuncti cadaver in itinere ad ecclesiam tumulantem asso- « dabitur A praedicta tamen quarta funerali exceptae intel- « ligantur et sint candelae, quas Sacerdotes, etiam Regulares vel « piarum Sodalitatum Confratres funus associantes, manualiter per « mam accensas deferent... Ubi vero consuetudines legitime pro- « batae, conventiones, concordiae vel statuta mgerent, quae prae- « fatis Parochis magis faverent . . . ab omnibus observari . . . « iubemus ».

Verum haec Constitutio in themate aptari non undequaque poterat : in ea sermo non est de defuncto, qui habuerit duplex domicilium et in diversa dioecesi; sed de defuncto, qui associe- tur a Regularibus a sua paroecia: et scopus Constitutionis est, ut Regularium iura quoad quartam funerum ad normam com- munis iuris reducatur. Quare quaestio eadem manebat resolvenda ad tramites iuris communis.

Ad tramites communis iuris, si defunctus, nec sepulturam propriam habeat neque eligat alienam, sepeliendus est in pro- pria paroecia ubi decedit ; et omnia funeris emolumenta cedunt poroeciae in qua et sepeliendus est, quin alterius domicilii Pa- rochus ius aliquod praetendere possit. In potestate videlicet defunctus manet eius Parochi proprii in cuius paroecia decedit. Hoc autem Parochi ius in defunctum non cessat quando in aliud sepulcrum transferendus sit, quousque cadaver non tradiderit ecclesiae sepulcri : quare ius associandi cadaver usque ad eccle-