632 NANCEYEN.

vel in bonum generale Instituti pro novis fundationibus ; Episcopi enim locales possent iubere, ut reditus a respectiva Communitate non exeant.

Huc oratione perducta, Sorores dicunt, allegationem ad- versarii iam esse penitus refutatam, cum sit demolita basis, super qua fuit constructa, nempe applicatio Bullae Inscru- tabili; attamen delibando alia iuris capita ex adverso dedu- cta etiam his respondent.

Quoad Bullam Quamvis Iusto, etiam ex ipsa rubrica pa- tere aiunt, emissam fuisse taxative pro Virginibus Angli- canis, et hinc applicari non posse Institutis votorum sim- plicium in genere. Et quamvis Lucidi in opere citato t. 2. p. 274 eam traducat tamquam fundamentum super quo alia Instituta - totum aedificium religiosi regiminis possunt ex- truere, tamen 1. c. p. 327 addit quod Pontifex S. M. Pius IX - huic praescriptioni derogatum esse voluit - et de facto S. O. a pluribus annis recessit ab imponendo supradictam depen- dentiam, quin imo in nupera approbatione per organum S. C. de Propaganda Fide data Constitutionibus Virginum Angli- canarum, definitive suppressa fuit illa omnimoda dependentia, quam nunc praetendit Episcopus Nanceyensis.

Quoad textus ex adverso prolatos Ciernentinae Const. Quia contingit Conc. Trid. cap. 8 sess. 22 et Fagnani in Cap. 4 de Reg. dom., observant quod hi textus taxative re- feruntur ad hospitalia et loca pia et probabiliter absolute applicari nequeunt ne ipsis quidem Regularibus, stante ex- ceptione in praefata Clementina - praemissa vero ad ho- spitalia militarium ordinum aut religiosorum extendi mi- nime volumus. Eodem calculo contendunt habendas esse de- cisiones SS. Congñum, quas adversarius profert, quia, ipso fatente, fundantur in Bulla Inscrutabili, quae iuxta supe- rius exposita, Institutis votorum simplicium non est applicabi- lis. Tandem Sorores quoad auctoritates Doctorum exprobrant adversario, quod ipse aequi vocans in falsa applicatione plu- ries citatae Bullae, referat tantum sibi sententias faventes et sileat de contrariis suo themati.