NANGEYEN, 633

Post haec Sorores gradum faciunt ad alteram quaestio- nem, et penitus reiectis accusationibus ex adverso contra ipsas motis, utpote fundatis in testibus vel suspectis, vel colludentibus proindeque nulla fide dignis, pro virili parte evincere obnituntur egredientes ex Instituto puellas, neque honeste collocare, neque eis suppellectilem cum determinata pecuniae summa subministrare teneri.

I o . Non adstringi, dicunt, titulo charitatis, quia chari- tatis officium ex earum Instituto est tantum in hospitando puellas, unde hospitio receptae puellae, hospitatae nuncupan- tur : ex hoc autem charitativo officio nulla alia obligatio gigni valet ; 'sicuti piae personae dantes eleemosynam cogi nequeunt post factam eleemosynam ad honeste collocandos pauperes, qui eam acceperunt, et sicuti hospitalia aegros con- valescentes dimittentia, in eorum egressu ex valetudinario adstringi nequeunt ad eis pecuniam cum congrua suppelle- ctili tradendam, vel ad honestam positionem procurandam.

Neque 2. dicunt, obligari possunt ex Constitutionibus sive antiquis, sive novis, quia hae circa hunc charitatis or- dinem nihil praescribunt. Quin imo haec nova obligatio cum Instituti statu, quod anno 1893 recensebat plus quam 35885 personas et 182 Communitates distributas per totum fere or- bem in 29 Provincias, prorsus evaderet incompossibilis : quamvis enim, attenta Moderatricum solertia in respectivis domibus reditus pro earum manuten tione sufficientes sint, tamen si etiam consulendum foret honestae collocationi re- ceptarum puellarum in earum egressu, quae anno 1893 in hospitio 20,000 numerabantur, nemo non videt quod status oeconomicus Instituti, brevi ad ruinam vergeret.

His utrinque compendiatim relatis, enodanda proposita fuere sequentia

Dubia

I. An et quomodo Communitas Boni Pastoris Nance- yensis subiici debeat Ordinario Dioecesano quoad bonorum administrationem 't