6 3 4 A P P E N D I X I I I .

S. C. de Propaganda Fide - C. G. 6 Febr. 1882. Missionarii expediti ab Apostolica Sede quoad subiectionem Vicariis apostolicis.

Missionarii ad clerum saecularem spectantes, qui ab Apostolica Sede datis authenticis litteris ad missiones destinantur, Vicariorum Aposto- licorum omnimodae iurisdictioni, visitationi et correctioni omnes et singuli obnoxii sunt. Regulares vero qui exemptionis privilegio gaudent omnino iisdem Vicariis Apostolicis subiacere debent in iis generatim quae pertinent ad curam animarum, ad Sacramentorum administratio- nem, atque in ceteris casibus a iure nominatim expressis.

S. C. de Propaganda Fide, 18 Decembris 1662.

De disputationibus Missionariorum cum haereticis.

De conferentiis et publicis congressibus seu disputationibus mis- sionariorum cum haereticis, monetur Generalis (Capuccin.) ut omnino prohibeat, cum S. Sedes plurimis experimentis edocta semper eas pro- hibuerit ; quo vero ad interventum concionibus haereticorum, hoc etiam prohibeatur, sicut a S. G. S. Officii semper fuit prohibitum, nec omnibus indifferenter absolute [expediat ; quod si aliquis adsit insignioris do- ctrinae et prudentiae, supplicet in particulari pro licentia.

S. Congr. de Propaganda Fide, 23 Novemb. 1665.

De mercatura exercenda.

Cum SSmus D. N., éx voto S. G., Vicariis Ap. in regnis Sinarum facultatem largitus fuerit clericos promovendi ad sacros, etiam Pre- sbyteratus, Ordines, quamvis necessarium patrimonium non habeant; quaeritur, an huiusmodi promoti possint ad sui sustentationem merca- turam exercere, pecunias suas mercatoribus dare, et cum ipsis socie- tatem inire, maxime cum non habeant illis in partibus aliam rationem se sustentandi ?

R. Toleratur ad sustentationem propriam dumtaxat, modo tamen contractus sit ex sua natura licitus, et tantum solummodo impendant quantum honestum patrimonium constituat.