6 3 4 Ex Secretaria Brevium

adhibeatur fides, quae adhiberetur ipsis praesentibus, si forent exhibitae vel ostensae ; utque derogatae sint aliae quaevis indulgentiae dicto pio Operi alias forte concessae, prout per praesentes Apostolica auctoritate derogamus.

Datum Romae, apud S. Petrum sub annulo Piscatoris diei XXI Iunii MCMIV, Pontificatus Nostri anno primo.

Pro Dno Card. MACCHI L. *J* S. Nicolaus Marini, Substitutus.

Breve solemnis Beatificationis Ven. Servi Dei Gasparis dei Bufalo, Institutoris Congregationis Missionariorum Pretio- sissimi Sanguinis D. N. I. C.

PIUS PP. X

AD PERPETUAM REI MEMORIAM

Salutare illud praeceptum, quod Redemptor humani ge- neris Christus dedit discipulis suis « euntes docete omnes gentes » constanti divinae providentiae consilio ita omni ae- tate in Ecclesia Dei viguit ut ipsa nunquam strenuis ac sol- lertibus caruit .administris, qui catholicae fidei provehendae studio adducti divinam sapientiam late populis traderent. Et sane coelestis paterfamilias, qui a prima ad postremam diei horam nunquam cessat conducere operarios in vineam suam ad eam excolendam, novissimis temporibus cum ob graves civiles perturbationes sacrorum operariorum praesidio indige- ret Ecclesia inter caeteros misit Venerabilem Dei Famulum Gasparem del Bufalo qui omni christianarum virtutum laude excellens in assidua Apostolici ministerii exercitatione, vitam ita exegit, ut supernae veritatis praeco strenuissimus iure meritoque usurpare potuerit dicta Pauli ad Corinthios « pro Christo legatione fungimur tamquam Deo exhortante per nos» . Roma tot sanctorum virorum inclyta mater et altrix hoc etiam gaudet alumno, in hac enim alma Urbe die vi la-