Ex Secretaria Brevium 6 3 5

nuarii MDCCLXXXVI piis parentibus ortus a teneris unguiculis « sicut lux oriente sole mane absque nubibus rutilât » prae- clara fidei, innocentiae ac pietatis specimina praebuit. Puer adhuc procul a hugis primae illius aetatis propriis, in his unice delectabatur quae ad Dei cultum instituta videret, alta- riola industriose componens, sacrasque referens caeremonias inter caeteros pueros quos suo praesertim exemplo timorem Domini et erga parentes reverentiam edocere studebat. Ete- nim primis illis ab annis tanto erga Deum et proximum amore ferebatur ut clericali militiae nomen dare constituerit, quo ad gentes infideles evangelizandas pergeret, ibique vitam pro Deo cum sanguine hinderet. Quod consilium cum per aetatem exequi non posset, totus incubuit ut sapientia cre- sceret et gratia coram Deo et hominibus: siquidem in Lyceo Gregoriano praeceptorum laudes promeruit atque omnibus exemplo fuit, praesertim quod piis sibi adiunctis sociis reli- gionis et charitatis officia cum ipsis exerceret, verboque et opere condiscipulos hortaretur ut « custodiendo sermones Dei corrigèrent vias suas et immaculati Domino in directione cordis conficerentur ». Canonicatu auctus in insigni Marciana Basilica et sacerdotio initiatus pridie Kalendas Augusti anno M D C c c v i n veluti lucerna super candelabrum posita refulsit in templo Dei in omnimodis sacri ministerii muneribus obeundis.

Ad pauperum levamen piae Societatis a Sancta Galla incrementa curavit; nocturnum ad Sanctae Mariae in Vincis coetum pietatis palaestram esse voluit; piae Congregationi Sancti Pauli Apostoli pro Clero instituendo multum opere impendit; ac perpetuo studio adductus provehendi cultus Pre- tiosissimi Sanguinis Redemptoris Nostri Iesu Christi eo tam- quam vexillo munitus vim omnem suae charitatis exercuit, animum adiiciens omni prope vitae conditioni ad sanctitatem revocandae. Sed cum iam spectata apostolicorum laborum laude floreret subito tempestas in Galliis oborta totam con- cussit Europam ac tum Supremum Pontificem rec. mem.