636 Ex Secretaria Brevium

Pium PP. VII Praedecessorem Nostrum tum optimum quem- que ex hac alma Urbe sanctimoniae ac virtutis domicilio eiecit. Tum Venerabilis Dei Servus mirum christianae forti- tudinis exemplum edidit; oblata enim illi conditione ut vel iuxta verba Gallici Praefecti iuraret fidemque et obedientiam sponderet Imperatori, vel, si detrectasset, custodiam et de- portationem subiret, tribus sese verbis expedivit gravibus profecto et magnanimis « nec possum, nec debeo, nec volo» et continuo Placentiam, Bononiam, Forum Cornelii, dein in arcem Luci devectus ne Sanctae Ecclesiae iura nefario iure- iurando vel minimum laederet, exilii et carceris aerumnas invicto quidem animo toto quadriennio toleravit. In liberta- tem restitutus ac Romam reversus, Deo ad maiora vocante, canonicatu se abdicavit ut animarum saluti vacaret impensius, et aliquot piis sacerdotibus sibi adsociatis ad sacras expedi- tiones et spirituales exercitationes anno Domini MDCCCXIV prima fundamenta iecit Congregationis presbyterorum saecu- larium quam a Pretioso Sanguine appellandam esse duxit. Tum Venerabili Dei Famulo perampla ac maxime laboriosa adsignata Provincia. Nam quemadmodum Christus Deus in- tuitus Petrum optimum illum Piscatorem hominum fore prae- vidit, ita redux a captivitate clar. me. Pius PP. VII Praede- cessor Noster ubi primum convertit oculos in Venerabilem Dei Servum Gasparem percepisse videtur animo quae et quanta Deus per eum facturus esset, ideoque voluit ut dire- ctionem ac regimen Sacrarum Missionum, tristissima illa tem- pestate, ad innovandos mores atque excitandam pietatem in Pontificia Ditione habendarum ipse susciperet. Ingens erat messis, pauci pro illius amplitudine operarii, sed dicta audiens Gaspar exordiendis suae Congregationis alumnos sibi adiun- git, Missiones ipsas quasi Congregationis fundamentum con- stituit, socios alteros quaerit et repperit, et Summi Pontificis mandatum promptus atque alacer implet. Seipsum praebens exemplum bonorum operum praecipue in pietate, humilitate