637

ROMANA. Dubium quoad dies, quibus vetantur Missae in Oratoriis privatis.

Quum die 30 Ianuarii, anno elapso 1895, in conventu Aca- demiae Liturgicae Romanae proposita fuisset quaestio super diebus, quibus non licet Missam celebrari in Oratoriis privatis, atque Academici ac Censores diversimode de ea sensissent, inspectis etiam Decretis ac praxi; hinc Rmus Moderator ipsius Academiae ad Sacram Rituum Congregationem, penes quam eadem quaestio alias agitata fuit, humillime accessit, suo et Aca- demiae nomine postulans sequentis Dubii solutionem; nimirum quinam vere sint solemniores dies, in quibus pro omnibus, pe- culiare Indultum non habentibus, Missae sunt vetitae, in privatis Oratoriis ?

Et Sacra eadem Congregatio, ad relationem infrascripti Se- cretarii, exquisita sententia Commissionis Liturgicae, ac re ma; turo examine perpensa, rescribendum censuit : Illi per se sunt solemniores in casu, qui describuntur in Caeremoniali Episco- porum Libr. II. Cap. XXXIV, N. 2 et de praecepto servantur.

Atque ita rescripsit. Die 10 Aprilis 1896.

CAL CARD. ALOISI MASELLA, S. R. C. Praef.

L. * S. ALOISIUS TRIPEPI, S. R. C. Secretarius.

PLACENTINA in HISPANIA. Dubium quoad telam Nipis pro albis etc conficiendis.

Iosephus, Magister Scholarum Ecclesiae Chatedralis Placen- tinae in Hispania, iussit ex tela subtilissima vulgo Nipis, niti- ditate tenacità teque linum aemulante et aequante (quamvis colore plerumque inferior sit lino acuratissime dealbato), albas confici. Attente tamen inspecto huius Sacrae Rituum Congrega- tionis Decreto 15 Maii 1819, non est ausus eis uti, quia ex lino vel cannabe non essent confectae. Cum vero dicta tela longe pretiosior sit lino nec materia, ex qua conficitur, ex arboris fructibus, sicut gossypium, proveniat, sed ex ipsius plantae filis, ut linum; et aliunde in laudato huius Congregationis De- creto expresse prohibeatur tantummodo ex gossypio componi, dubitans, utrum ei liceat praedictis albis uti, Sacrorum Rituum Congregationi humiliter subiecit sequentium Dubiorum solutio- nem, nimirum:

I. Utrum ex tela sive panno, vulgo Nipis, possint confici Corporalia, Pallae, aut saltem Amictus et Mappae?

EX S. CONGREGATIONE RITUUM