638 Litterae Apostolicae

iam nihil addi posse censeretur ad certitudinem assequendam

quae in hisce rebus postulatur, accedente eruditissimorum

virorum suffragio, praedictus Frater Noster Mediolanensis

Archiepiscopus solemniter edixit die XXIII aprilis vertentis

anni « Tria corpora, Nobis adstantibus, reperta in arca por- phyretica die VIII augusti MDCCCLXXI sub Altari Maximo

Basilicae Ambrosianae huius Urbis, esse vere et proprie

SS. Ambrosii, Protasii et Gervasii ; scilicet illud minoris alti-

tudinis S. Ambrosii Episcopi Mediolanensis Ecclesiae Doctoris,

alia vero procerae staturae et flor entis aetatis SS. Martyrum

Gervasii et Protasii ab ipso Ambrosio in sepulchro condita » .

§ 5. Quibus omnibus uti supra rite absolutis, idem Frater

Noster Archiepiscopus Mediolanensis acta Iudicialis Inquisi-

tionis ab anno MDCCCLXIV iterato ac tertio institutae ad Nos

transmittenda curavit; hisce supplices Litteras adiecit, prae-

clarissimis Ambrosii sententiis intextas de Primatu Cathedrae

Petri, eiusque inerrantiae praerogativa, quibus humillime exo-

rabit, ut sententiae ab se latae robur Apostolicae Nostrae

Auctoritatis adiicere dignaremur. Nos itaque eiusmodi preces

benigne excipientes, quamvis de veritate editae Sententiae

haud ambigi posse censeremus, nihilominus, ut obstruatur os

loquentium iniqua, qui Catholicam Ecclesiam, non solum

propter cultum Sacrarum Exuviarum, quae olim viva Christi

membra fuere, ac templa S. Spiritus, ab eodem iterum ad

vitam suscitanda et glorificanda, verum etiam propter falsas,

ceu blaterant, Sanctorum Reliquias fidelium venerationi pro-

positas, impietatis et superstitionis insimulare non verentur,

eam diligentiam in casu adhibendam esse voluimus, qua in

rebus tanti momenti semper Apostolica Sedes procedere con-

suevit. Quare nonnullorum Fratrum Nostrorum S. R. E. Car-

dinalium Sacris tuendis Ritibus praepositorum, et quorumdam

eiusdem S. Congregationis Praesulum Officialium peculiari

Coetui a Nobis delecto, totius negocii examen commisimus.

§ 6. Quae quidem peculiaris Congregatio mature perpen-

dens iugem et constantem traditionem authenticis uberrimisque