€38 S. R. U. INQUISITIONIS tur. Consonat Agatiense (1) : Quoniam non oportet eum omnibus haereticis miseere connubia et filios vel filias dare, sed potius accipere, si tamen profitentur christianos futuros esse se et catholicos. Et Chalcedonense in superius memorato canone: Sed neque haeretico vel pagano vel iudaeo matrimonio coniun- gere, nisi utique persona, quae orthodoxae coniungitur, se ad "orthodoxam fidem convertendam spondeat.

4. Ex iis, ut alia silentio praetereamus, satis quidem ap- paret matrimonia mixta esse prorsus illicita: qua de caussa S. Mater Ecclesia merito ea semper detestata est, ac fideles ab illis contrahendis absterrere studuit. Ad amovenda tamen peri- cula quae ex mixtis nuptiis provenire possunt, concurrere debent circumstantiae ceu scribit s. m. Bened. XIV (2), quae cum ab eo, qui facultatem dispensandi habet, expensae fuerint, aditum aperiant concessioni legitimae dispensationis, cuius vi matrimo- nium inter partes, haereticam unam alteramque catholicam, licitum reddatur. Hae circumstantiae, cuiusmodi est Ecclesiae utilitas, bonum publicum, gravissimum malum vitandum, et aliae, quae canonicas caussas ad elargiendas matrimoniales •dispensationes generatim necessariam constituunt, praerequi- runtur ad impedimentum mixtae communionis aliquo in casu relaxandum; sed, quod sedulo est animadvertendum, minime sufficiunt.

5. Exigendae enim praeterea sunt opportunae a contra- hentibus cautiones de amovendo a coniuge catholico perver- sionis periculo, de conversione coniugis acatholici ab illo pro viribus curanda, ac de universa prole utriusque sexus in catho- licae religionis sanctitate omnino educanda. Has autem cautiones ius naturale ac divinum cum postulet, nulla unquam humana auctoritate mixtae nuptiae sine ipsis permitti possunt.

6. Positis igitur canonicis caussis, ac praehabitis memoratis cautionibus, quibus arcentur quae legi naturali aut divinae ad- versantur, ab ecclesiastica competente auctoritate dispensatio in lege mixta connubia prohibente impetranda est, ut absque pia- culo celebrari possint, ea deficiente, numquam gravi culpa vacant.

7. Illicitum porro ac sacrilegum est se sistere coram hae- retico seu schismatico ministro ante vel post contractas mixtas nuptias, quoties ipse ut minister sacris addictus adsistat, et quasi parochi munere fungens; nam pars catholica ritui haere- tico aut schismatico se consociaret, ex quo vetita omnibus ha- beretur cum haereticis in eorum sacris communicatio. Quare ita contrahentes mortaliter peccarent ac monendi sunt. Si vero, ut in nonnullis locis evenit, haereticus seu schismaticus perso- nam agat magistratus mere civilis, et quidquid ipse praestat, civilis dumtaxat et politicus actus sit, ac civiles effectus respiciat,

(1) Can. L XVII. (2) De Syn. Diosc. Lib. VI. Cap. V. a. IV.