LITTERAE APOSTOLICAE 6 3 9

Eliam Episcopum Akrae Chaldaeorum, quem ad hanc Aposto- licam Sedem allegatum praedictis solemnibus suo nomine ac vice interesse iusserat, tum per suas litteras ad praefatam Con- gregationem semel et iterum datas, significatum Nobis voluit, se quoad certas regulas in Episcoporum electione servandas minime a Nostra voluntate dissentire, quam omni studio et obe- dientia excipienda n profitebatur ; atque ex praemissa episcopa- lium electionum ordinatione bene sperare si utilis Nobis et op- portuna videretur : velle autem, ut quod gaudio et laetitiae No- bis est, semper perficiatur. Inter haec vero aliud obsequentissimi Nobis animi argumentum exhibere non distulit, propositis ali- quot nominibus Sacerdotum sui ritus, ut quos digniores ac ma- gis idoneos in Domino iudicaremus, eosdem Chaldaeorum Ec- clesiis Amidenae seu Diarbekiren, atque Mardensi, quas pasto- ribus suis viduari contigerat, praeficeremus : quod a Nobis actum est Apostolicis Nostris litteris editis sub annulo Pisca- toris die xxii Martii huius anni. Quae omnia maximae profecto consolationi Nobis fuere, magnumque solatium in tribulationi- bus atque angustiis, quibus undique premimur, attulerunt : quandoquidem et eximium praedicti Ven. Fr. Nostri Iosephi Patriarchae zelum in procuranda com nissi sibi gregis utilitate, et singularem eius in Nos, et in hanc B.mi Petri Cathedram reverentiam ac fiduciam praeseferebant : atque ita in pleniorem atque firmiorem spem Nos adduxerunt, fore ut recto demum in omnibus ordine constituto, Chaldaeorum Ecclesia tot sane no- minibus insignis, in pristinum decus aliquando restitueretur.

« Omnibus itaque mature perpensis, ac de consilio Ven. Er. Nostrorum S. R. E. Cardinalium praefatae Congregationis de Propaganda Fide pro Negotiis Ritus Orientalis, motu proprio, certa scientia, ac de Apostolicae Nostrae potestatis plenitudine, ea quae sequuntur in memorato Babylonensi Chaldaeorum patriar- chatu perpetuis futuris temporibus inviolabiliter observanda con- stituimus atque sancimus.

I. In electione Patriarchae solis Episcopis ius erit suffragii ferendi, exclusis omnino clericis et sacerdotibus, qui episcopali charactere non polleant. Nemo vero laicorum in eadem electione semet inserere, ullamque partem habere poterit, quovis quaesito colore vel praetextu.

II. Porro electum Patriarcham neque uti aiunt inthronizari,