Litterae Apostolicae 639

documentis consignatam, Imperatorum ac Regum diplomata,

acta Episcopalium Visitationum, vetustissima Calendaria ac

Martyrologia, numismata in sepulchris reperta, ipsam denique

urnae ac circumstantis lateritii operis structuram sane intel-

lexit nullum cieri posse dubium quoad Sacrorum Corporum

identitatem. Probationi cumulum imposuit accurata ab anato -

miae peritis ossium aliorumque in arca et sepulchris reper-

torum instituta analysis. Cum itaque ex hisce omnibus, prae-

sertim simul sumptis, peculiaris eadem Congregatio eam

exurgere probationem censuisset, qua amplior in hisce nego-

ciis desiderari vix posset, die xxiv iulii vertentis anni ad

Nostras Vaticanas Aedas coadunata, omnibus ad Sanctuarii

lancem libratis atque perpensis, ita rescripsit « Sententiam

Archiepiscopi Mediolanensis esse confirmandam si SSmo pla-

cuerit; et Corpus S. Ambrosii, nec non Corpora SS. Martyrum

Protasii et Gervasii, quibus hactenus S. Doctoris exuviae, ex

ipsa eius voluntate, coniunctae fuerunt, unita semper in futurum

maneant, sub immediata S. Sedis protectione, ita ut nemo

audeat adsportare aut distribuere quamlibet eorum particulam,

sub poena excommunicationis latae Sententiae Summo Pontifici

reservatae ; supplicandum autem eidem SSmo censuit, ut de hoc

confirmationis iudicio expediantur Litterae Apostolicae sub

plumbo ».

§ 7. Quae accurate per dilectum Filium Dominicum Bar-

tolini Secretarium eiusdem S. Congregationis Nobis relata

fuissent, ingentes benignissimae divinae boni tati egimus gratias,

quae Nos in tantis angustiis ac periculis constitutos solari ac

fovere dignata sit inventione Corporum Beatorum Martyrum

Gervasii ac Protasii, et praesertim tanti Ecclesiae Doctoris,

cuius illa aurea ac plena spei sententia est: Non turbatur

illa navis in qua prudentia navigat, abest perfidia, Fides spirat.

Quemadmodum enim turbari poterit cui praeest is in quo Eccle-

siae firmamentum est f Propterea libentissime praefatae pecu-

liaris Congregationis sententiam in omnibus probavimus ac

ratam habuimus, ceu patet ex Decreto eadem die edito.