S. R. U. INQUISITIONIS 639 et nulla prorsus acatholici ritus professio habeatur, aut inde colligi possit, non improbatur quod pars catholica urgentibus schismaticis seu haereticis, aut civili lege imperante, eumdem ante vel post initum matrimonium adeat.

8. Sciant insuper animarum pastores, si interrogetur a con- trahentibus vel si certe noverint eos adituros fore ministrum haereticum sacris addictum ad nuptialem consensum praestan- dum, silere se non posse, sed monere debere sponsos de gra- vissimo peccato quod patrant. Verumtamen, ad gravia praeca- venda mala, si in aliquo peculiari casu sacerdos seu parochus non fuerit interpellatus a sponsis, an liceat nec ne adire mini- strum haereticum vel schismaticum, et nulla fìat ab iisdem sponsis explicita declaratio de eodem adeundo, praevideat tamen eos forsan adituros ad matrimonialem praestandum vel reno- vandum consensum, atque insuper ex adiunctis in casu con- currentibus praevideat monitionem certo haud esse profuturam, imo nocituram, indeque peccatum materiale in formalem cul- pam vertendum; tunc sileat, remoto tamen scandalo et dum- modo aliae ab Ecclesiae requisitae conditiones atque cautiones rite positae sint, praesertim de libero religionis exercitio parti catholicae concedendo, nec non de universa prole in religione catholica educanda. Quod si sponsi ad parochum, seu sacerdo- tem catholicum pro benedicendis nuptiis accedant postquam eas coram ministro haeretico seu schismatico celebraverint, idque publice notum sit vel ipsis sponsis notificetur, catholicus sacer- dos huic matrimonio non intererit, nisi servatis, uti supponitur, ceteroquin servandis, pars catholica facti poenitens praeviis sa- lutaribus poenitentiis a patrata culpa absolutionem rite prius obtinuerit.

9. Pauca de sponsalibus addenda supersunt. Sponsalia in- ter unam partem catholicam et alteram schismaticam seu hae- reticam illicita sunt atque adeo invalida nisi praevia legitima dispensatione celebrantur.

10. Itaque pro ea sollicitudine qua erga commissas sibi oves gerunt, enixe curabunt locorum Antistites, ut eas a mixtis nuptiis quoad fieri possit, deterreant, aut saltem nonnisi observatis adamussim debitis cautelis, legitimeque impetrata dispensatione illas permittant, eisdem impense inculcantes catholicum dogma, quod nempe, extra catholicam Ecclesiam salus obtineri non possit. Insistant celebris Apostolorum discipuli S. Ignatii M. verbis (1): Ne emetis, fratres mei: si qxiis schisma facientem sectatur, regni Dei haereditatem non consequitur. Excita ndus tum a Vobis ipsis, tum a reliquis animarum pastoribus, chri- stianus populus ad catholicam fidem et unitatem ardentiori usque studio custodiendam, atque ideo ad omne illius deserendae periculum vitandum, ut praefixus finis circa matrimonia mixta obtineatur.

(1) Epist, ad Philadelph.