695

t Summo affecti dolore nostrae Ephemeridis socios cer-

tiores facimus de obitu Revmi D. Victorii Piazzesi, egre- gii et dilecti nostri Directoris, qui ad caelestes advolavit idibus Aprilibus nuper elapsis, brevi morbo consumptus et magno exemplo Sacramentis refectus.

In dioecesano Seminario Aretii studiis perfectis, utri- usque iuris lauream ad assequendam Romam petiit. Vali- dis corroboratus studiis Directionem nostrae Ephemeridis « Acta S. Sedis » sibi sumpsit, et triginta fere annos omnibus plaudentibus eam retinuit. Pietatem in Deum et amorem in fratres venerandus Director scientiae per- belle adiunxit, cuius veritatis opera ab ipso confecta sunt certa indicia. Leo XIII sa. me. magni fecit, Praelatum Domesticum eum nominavit et multis oneribus honoris gratia ornavit.

Nostros amicos, qui nobiscum dilectum Directorem in magno pretio habuerunt, oramus ut eius animam ad meliora profectam precibus nobis una simul adiuvent.

Certiores insuper nostrae Ephemeridis socios facimus, Periodicum «Acta S. Sedis», iuvante Deo, more solito esse editurum; Directio enim et Administratio inveniuntur apud Rectorem pro tempore Pontificii Seminarii SS. Apo- stolorum Petri et Pauli de Urbe ad exteras missiones.