640 LITTERAE APOSTOLICAE

neque ullum ius aut iurisdictionem, ne procuratorio quidem aut vicario nomine vel titulo, in Patriarchatum habere volumus, nisi prius eiusdem electio seu postulatio a Nobis vel a Rom. Pontifice pro tempore existente fuerit admissa et de more con- firmata, atque Apostolicae litterae confirmationis eiusdem fuerint expeditae, sublata qualibet e contrario consuetudine.

III. Eidem Patriarchae, quamvis ab Apostolica Sede uti su- pra confirmato, non licebit Episcopos consecrare, nec convocare concilium, nec chrisma conficere, neque ecclesias dedicare, nec clericos ordinare, antequam ab eadem Apostolica ISede sacrum pallium obtinuerit.

IV. Praedicto autem pallio Patriarcha uti tantum poterit in Missarum solemnibus intra fines et in ecclesiis sui Patriarcha- tus, his dumtaxat diebus, videlicet in Nativitate Domini Nostri Iesu Christi, in festis S. Stephani protomartyris, S. Ioannis Apo- stolis et Evangelistae, Circumcisionis Domini, Epiphaniae eiusdem, Dominicae in Palmis, Feria V in Coena Domini, Sabbati Sancti, Dominicae Resurrectionis cum duobus sequentibus diebus, Do- minicae in Albis, Ascensionis Domini, Dominicae Pentecostes, sacratissimi Corporis Christi, nec non in quatuor festivitatibus Beatae Mariae seemper Virginis, videlicet Purificationis, Annun- tiationis, Assumptionis et Nativitatis eiusdem: item in festis Na- tivitatis S. Ioannis Baptistae et Omnium Sanctorum nec non in festivitatibus omnium Apostolorum, in dedicatione Ecclesiarum, in praecipuis Ecclesiae suae festivitatibus, in ordinationibus Clericorum, in consecrationibus Episcoporum et Virginum, atque in diebus anniversariis tam consecrationis suae quam dedica- tionis ecclesiae.

V. Sacra Limina Beatissimorum Apostolorum Petri et Pauli statis a iure temporibus idem Patriarcha personaliter et per se- ipsum visitabit: Romanoque Pontifici pro tempore existenti ra- tionem reddet de toto suo pastorali officio ac rebus omnibus ad Patriarchatus statum pertinentibus,* eiusdem monita et mandata humiliter excipiet ac diligentissime exequetur.

VI. Quoties aliquam dioecesim memorati Patriarchatus va- care continget, Patriarcha quamprimum synodum indicat univer- sorum Episcoporum eiusdem Patriarchatus; quo facto, ab eodem Patriarcha et ab Episcopis synodaliter congregatis, tres idonei ecclesiastici viri, collatis consiliis, Rom. Pontifici pro tempore