640 Index generalis

Mediae Annatae.

Mediae annatae solutio favore Ecclesiarum Cathedralium et Collegia- tarum a Benedicto XIII instituta fuit ad hunc finem, ne domos Dei, qua- rum decorem summopere diligendum esse sacra eloquia testantur, tempo- rum iniuria collabi, in peius ruere, minusque decenter retineri contingeret, pag. 255.

Taliterque Ecclesiarum decori consuli concupivit Pontifex ille, ut nul- lum a solvendis mediis fructibus primi anni exemerit beneficium, praeter Ecclesias paroeciales, quae, una cum incertis, annuum reditum scut. 100 monetae romanae non excederent, ibid.

Huiusmodi mediae annatae solutio ita pure et simpliciter iussa fuit, ut nulla in eius detrimentum fieri liceat subtractio distributionum quoti- dianarum gratia ; sed super istas quoque solutio istaec sit facienda, sint a praebendis distinctae, vel cum ipsis coniunctae, ibid.

Neque licere in solutione .mediae annatae onera deducere personalia, seu quae directe personam attingant; sed tantum subtrahi possunt onera fixa et realia, quae beneficia innituntur, pag. 256.

Missa pro populo.

Pastoribus cunctis, quibus animarum cura commissa est, onus incumbit, ex divino praecepto, oves cognoscendi proprias, easdem pascendi praedi- catione verbi divini et sacramentorum administratione, proque eisdem Missae sacrificium offerendi, pag. 339.

Nomine pastorum, qui ad Missae applicationem pro populo obligantur, omnes veniunt parochi, qui actu curam animarum exercent: sint illi per- petui aut temporanei et ad nutum amovibiles, sive saeculares, sive regu- lares, ibid.

Et nemo animarum curam habens, ab onere applicandi Missam exi- mitur, quamvis contraria atque immemorabili fulciatur consuetudine, aut congruis et praestitutis destituatur reditibus; eoquod parochi non ratione officii hoc gravantur onere, ibid.

Ex iure divino integrum officium pascendi gregem et pro eodem litandi Missam in Episcopis residet ; ex iure ecclesiastico autem huius officii pars parochis committitur; ex qua commissione sequitur quod parochus fiat proprius concrediti gregis pastor, statimque obligatione teneatur pro populo sibi commisso sacrum litandi, pag. 340.

Missae secundae applicatio.

Ratio constantis inhibitionis recipiendi eleemosynam pro secunda Missa, in hoc posita est, ut omnis avaritia omnisque etiam mercimonii suspicio a rebus sacris arceatur, pag. 286.

Intentio principalis disponentis (quam semper in applicatione legis attendere oportet) est ut prospiciatur potius disciplinae ecclesiasticae robori, quam sacerdotum utilitati, ibid.