640 S. R. U. INQUISITIONIS

11. Erit pariter eorundem Praesulum efficere, ut et fidelium memoria nunquam excidat notissimum naturalis divinaeque legis praeceptum, quo non solum peccata, sed et pericula ad peccatum proxime inducentia fugere iubemur ; uti etiam aliud praeceptum, quo parentibus iniungitur filios educare in disciplina et correptione Domini, ac propterea ipsos erudire ad verum cultum, qui Deo unice in catholica Ecclesia exhibetur. Hinc opor- tet, animarum Curatores monere, ut gregi suo solerti invigi- lando, simul ac compererint adesse iuvenes vel virgines con- iugale foedus cum heterodoxis inire volentes, ipsos eorumque parentes salutaribus imbuant doctrinis, nihilque omittant, quo eos a transgrediendis Dei et Ecclesiae mandatis avertant. Edo- cendi denique fideles, qua publicis catechesibus, qua privatis in- structionibus circa constantem hac in re Ecclesiae doctrinam, ne unquam eos capiat oblivio canonum mixta connubia detestantium.

12. Et quoniam in gravissimo hoc negotio solius presbyteri arbitrio nil est relinquendum, ipsis iniungendum erit, ut de quo- libet mixto matrimonio contrahendo quantocius Episcopum cer- tiorem reddant, accuratissime delatis omnibus rerum, locorum, et personarum circumstantiis. Tam Episcopi quam parochi se- dulo invigilent ut coniuges datas cautiones fideliter adimpleant.

Haec ut Summi Pontificis iussa faceret Sacra Congregatio Vobis significanda duxit, atque interim fausta omnia ac felicia adprecatur. (1)

Datum Romae ex Cancellaria S. Officii die 12 Decembris 1888.

IOSEPHUS MANCINI S. R. et U. I. NOTARIUS.

Feria IV. Die 9 Ianuarii 1889. Proposito dubio: « Utrum Ordinarii in casibus extremae

necessitatis facultatem dispensandi super impedimentis publicis matrimonialibus in mortis periculo, uteris supremae Congrega- tionis S. Officii sub die 20 Februarii 1888 concessam (1) Parochis et universim Confessariis approbatis modo generali antea sub- delegare valeant, an non ? »

Eminentissimi et reverendissimi DD. Cardinales, contra hae- reticam pravitatem Inquisitores Generales, decreverunt: «Sup- plicandum Sanctissimo, ut decernere et declarare dignetur, eos, quibus potestas huiusmodi supracitatis huius Supremae Con- gregationis Uteris diei 20 Februarii 1888, data fuit, posse illam delegare habitualiter Parochis tantum, sed pro casibus dumtaxat, in quibus deest tempus ad ipsos recurrendi, et periculum est in mora. »

Eadem vero die ac feria Sanctissimus D. N. in solita audien- tia R. P. D. Adsessori S. O. impertita benigne annuere dignatus est iuxta eminentissimorum et reverendissimorum Pairum suffragia.

Ios. Mancini S. R. et Univ. Inq. Notar. (1) Alia instructio pro clero latini ritus relata iam fuit Vol. VI, 456. (2) Hae litterae relatae fuerunt Vol. XX, 543.