Index generalis 645

Renuntiatio coram R. Pontifice emissa, ab eoque acceptata, valida quo- cumque modo renuntianda est; quia Pontifex praesumitur scire iura et regulas in scrinio pectoris habere, pag. 449.

Ipso iure primum vacat beneficium clerici illius, qui secundum bene- ficium ecclesiasticum incompatibile recipere aut simul retinere praesum- pserit: quia id est contra SS. Canonum formam, et praecipue Constitutio- nis Innocentii III, De multa, nec non ipsius Tridentini, Sess. 7, cap. 4, de ref., ibid.

Resolutiones.

Ad diem motae litis retrotrahuntur S. Congregationis Concilii résolu, tiones, quae veram sententiam continent ; veram autem sententiam conti- nent, cum de re decernunt super qua lis contestata est, pag. 331.

Id locum obtinet praesertim cum resolutio per clausulam et amplius in rem iudicatam abierit, ibid.

Sepultura.

Vocabula successorum et parentum, praecipue quoad sepulturae iura, stricte sunt sumenda; ita ut sub his nominibus veniant tantum qui san- guinis vinculo coniuncti sunt tum agnatitio, tum cognatitio, non autem affines, pag. 354.

Defunctus, si maiorum suorum sepultura careat, aut nisi sacrum sibi constituerit sepulturae locum, sepeliri debet in Parochiae sepultura: prae- sumitur enim sese accomodasse ad iuris ordinationem, qui ante obitum aliter non constituerit, ibid.

Neque parentibus aut haeredibus defuncti ius esse eligendi proprio arbitrio sepulturam pro eodem defuncto, pag. 355.

Sponsalia.

Quaelibet quaestio, etiam quoad sponsalia, duplici conformi sententia in diverso iurisdictionis gradu definitur, et in rem iudicatam transit: ita ut exceptio litis finitae enascatur, et ad trutinam amplius revocari nequeat, nisi petita prius atque obtenta in integrum restitutio, pag. 230.

Stationes Viae Crucis.

In praesentiarum pro certo ab omnibus habetur, quod cruces, et qui- dem ligneae, adesse debeant in singulis Viae Crucis stationibus, quamvis olim nil definitum fuerit, an crux, et eadem lignea, vel alia imago erigenda esset, pag. 407.

Uti essentialis habenda et sub nullitatis poena servanda est unica appo, sita conditio pro erigendis Viae Crucis stationibus, quod nempe crux neces- sario esse debeat ex ligno, ibid.

Modus autem a novis artificibus excogitatus, pro nempe Viam Crucis ex ferro fuso construunt, est omnino reiiciendus, utpote qui fidelium oculis omnino subtrahat ligneae crucis aspectum, ibid.