646 Index generalis

Ac proinde solis imaginibus, sive pictis, sive sculptis haud rite erigi possunt Viae Crucis stationes, quia ex pluribus decretis in cruces solas cadit benedictio, sistitque itineris sacri essentia, si ex ligno fabrefactae sint, quia lignea fuit Christi Crux, pag. 407.

Vicarius Capitularis.

Dubitatur an Vicarius Capitularis facultate polleat rite erigendi pia Sodalitia, eadem aggregandi, eorumdemque statuta adprobandi; etsi nemo dubitet illum Vicario praestare Generali; dum iste ad nutum Episcopi iurisdictione utatur, ille autem a Capitulo revocari nequeat et ordinariam Episcopi consequatur potestatem, pag, 360.

Sacra Indulgentiarum Congr. in opinionum varietate, noluit per suum iudicium definire, an esset in potestate Vicarii Capitularis instar Episcopi, peragere quae confraternitatum erectionem, aggregationem et statutorum approbationem respiciunt, ibid.

Attamen prudenti consilio constituit, ut Vicarii Capitulares ab his per- agendis sese abstinerent; quia, ut nobis videtur, Confraternitatum erectio maximi momenti res est in Dioecesium regimine, quae vero facili modo differri potest in tempore Episcopi futuri successoris, ibid.

Vicarius Generalis.

In Vicarium generalem ex Tridentino, Sess. 24, cap. 16, de ref., eligi debet ille qui saltem in iure canonico sit doctor vel licentiatus, vel alias quantum fieri poterit idoneus, pag. 96.

Parochus curam animarum habens haud eligi potest in Vicarium Generalem; quia Vicarii Generalis et Parochi officia generaliter incompa- tibilia sunt in eadem persona collecta, ibid.

Neque originarius eiusdem civitatis aut dioecesis constitui potest in Vicarium Generalem propter consanguinitates, affinitates et familiaritates, quibus a recta iustitia deviare posset, seseque partibus suspectum reddere, ibid.