648 Iurisdictionis parochialis

originario et architectonico prospectu aedificii concordat ; quod

profecto non praestat in casu nisi antiquus aditus. Imo iste

est etiam frequentatior et commodior, ceu omnes testantur.

Quapropter argumenta contrariae partis in tenues auras abire

concludit.

Post haec transvolat Orator ad extendendam Curiae sen-

tentiam, quam refutare satagit ex eo quod suis clientis iuris-

dictionem coarctat ac dividit; parochia enim regenda uni tan-

tum Parocho committi debet, Barbosa, de Off. et potest.

Parochi, p. i, Cap. i, n. 43. Hinc monstrum dicendum illa

sententia quae parocho S. Catharinae permittit ut tempore

paschali benedictionem impertiatur tantum i?i novo colloquutorio,

et fines eiusdem non excedat.

Subdit insuper huiusmodi sententiam verae dismembra-

tioni aequivalere dum portiunculam iurisdictionis ab antiquo

parocho avellit, quod Episcopi facultates excedit. Imo contra-

dictionem includit, dum in priori parte sententiae decretum

fuerat, ut parochus S. Mariae de Scala in sua iurisdictione

servaretur. Tandem concipi et affirmari non posse edicit

novam portam apertam fuisse in adversarii territorio, dum in

ipsa sententia asseritur totum Collegium sub alterius parochi

iurisdictione positum esse. Ex his omnibus concludit totam

iurisdictionem super Collegio in themate competere Parocho

S. Mariae.

Hisce utrinque expositis propositum fuit

Dubium

An et cui competat tota iurisdictio parochialis super Collegio

in casu.

RESOLUTIO . - S. Congregatio Concilii die 26 iulii 1873

causa cognita respondere censuit Affirmative favore Parochi

S. Mariae.

Instante sed vero Parocho S. Catharinae, iterum repropo-

sita fuit haec quaestio in S. C. die 27 februarii 1874. Cum