650 DREPANEN.

non simpliciter et absolute in iuspatronatus succederet, sed dumtaxat tanquam haeredem universalem, et insuper 2. quod capitulum, in casu successionis, patronatus passivi obligatione obstringeretur ; quae conditio quum capitulo quidem, minime vero ceteris successoribus, fuerit adiecta, capitulum utique obligat, at nequaquam ceteros. » Atqui capitulum numquam haeres Morello evasit. Ergo una simul ex his rationibus ius capituli ad praesentandum, et ius etiam sacerdotis Sanmar- tano praesentati ac passive in hypothesi vocati subvertuntur.

Quandoquidem respondet patronus, in primis inverosimile prorsus esse, fundatorem, qui canonicatum fundavit per se et suos, in testamentariis tabulis ius patronatum passivum suorum limitavisse, et in peculiari dumtaxat hypothesi, si nempe capitulum activum patronatum exercuisset, praescri- psisse ut sui praeferrentur.

Praeterea animadvertit assertionem, quod capitulum haeres Morello non extiterit, falsam esse tam in facto quam in iure. In facto quidem quia capitulum plura praestitit quae clare ac manifeste revelant, istud haereditatem, si non ex- presse, tacite saltem adiisse; ceu patet ex iis, quae egit annis 1808 et 1834, quando ad vacantem canonicatum Mo- rello sacerdotem sibi benevisum elegit.

At in iure quoque obiecta ratio non procedit. Quando- quidem tempore quo fundator testamentum condidit romanum ius in Sicilia vigebat, quo cavebatur ad validitatem testa- menti fideicommissum continentis satis esse, ut haeres fidu- ciarius haereditatem accepto haberet. Tit. Ad Senat. 'Trebel. § 7 et 8. Porro in themate Rosaria Greco, haeres fiduciaria, abs dubio haereditatem acceptavit. Quapropter et capitulum. Et sic potissima ex diificultatibus, quae contra capitulum et sacerdotem Sanmartano movetur, iuxta patronum, subvertitur.

D E F E N S I O S A C E R D O T I S L A V I A . Qui partes agit favore sacerdotis La Via tuetur validitatem praesentationis a ca- nonicis decano et cantore favore eiusdem editae, atque ad rem exhibet in actis documenta. Hoc praemisso, praeiudi- cialiter animadvertit quod quaestio quae nunc excitatur, eo