650 POLICASTREN.

Neapolim se contulit studiorum causa, ibique per quadrien- nium manens, scholas adiit quas normales vocant ut facul- tatem obtineret docendi pueros elementaría praecepta disci- plinarum. At singulo quoque anno, tempore quo scholae vacant, in suo natali oppido est moratus, ut ipse testatur.

Studiorum feliciter emenso curriculo in patriam reversus Sac. Fasanaro, quum toto hoc tempore nihil obtinuerit ex reditibus suae Ecclesiae, tunc exquisivit a clero Ecclesiae Vibonatorum eum missarum numerum sibi tribuendum pro quatuor superioribus annis; scilicet nonnullas missas cum eleemosyna unius libellae pro tempore Neapoli transacto ; alias cum eleemosyna maiori pro tempore vacationum, quo suae Ecclesiae inservit.

Quia pacifice res componi non valuit, instaurata iudiciali instantia apud Curiam Polycastren, die 12 Februarii 1894, haec prodiit sententia quae plura decidens quaestionum ca- pita, quoad unum pertransiit in rem iudicatam, quod alia rite appellata modo discutienda proponitur.

Ordinarius, praemissis variis animadversionibus iuris et facti, decernebat : reiicimus primum caput supplicis libelli, declarantes nullum missarum numerum eidem pertinere pro tempore quo Neapoli vitam degit, studiorum causa; reiici- mus secundum caput supplicis libelli declarantes nullum missarum numerum eidem pertinere, quolibet stipendio, pro brevi tempore in patria transacto, vacationum causa.

D i s c e p t a t i o S y n o p t i c a

DEFENSIO SACERDOTIS FASANARO. Huius presbyteri pro- curator, ad refellendas has iudicis animadversiones, ostendit primum in quo cardo rei vertatur, in quo ratio decidendi consistat iuxta utrumque ius, S. Congregationis C. iuris- prudentiam, et Collegii constitutionem. Clericus cuiuslibet ecclesiae receptitiae, qui discedit ab oppido, ubi est illa ec- clesia, opinatur orator, est particeps massae communis, si domicilium ibi retineat. Huius distinctionis iustitiam, pro- sequitur, inficiari perridiculum esset, quemadmodum adimi