COEMETERII 651

Sed desiderium habendi locum dormitionis in templis magis magisque in fidelibus in dies succrevisse, atque consuetudinem invaluisse eosdem ibidem sepeliendi ut ex cap. d, b et Q de Se- pult, quod in ius commune transiit. Neque id sine gravi causa, quam iamdiu tradiderat can. 17 cau. 13 q. 2 his verbis: « Prodest mortuis, si in ecclesia sepeliantur, quia eorum proximi, quoties ad eadem sacra loca veniunt, suorumque sepulturam aspiciunt, re- cordantur, et pro eis Domino preces fundunt.

invalescente itaque eiusdem consuetudine, lege deinde fir- mata, mirum haud esse, si novae legi, sepeliendi fideles in pu- blicis coemeteriis extra urbes ratione publicae valetudinis, diffi- cultates occurrant ob rerum statum quem vetus consuetudo po- suerat: ideoque in constituendis publicis coemeteriis res ita esse temperandus, ut, salva manente publica valetudine^ funerum iura, quanto minus fieri possint, laedantur.

E A QUAE ADVERSUS PROPOSITAS REGULAS SUNT ANIMADVERSA.

Animadversum est, a lege coemeterii exemptum esse Delegatum Pontificium, qui in civili regimine repraesentat principatum Ro- mani Pontificis; et Vicarium generalem, qui in administratione dioecesis repraesentat Episcopum : at vero non esse incongruum, ut excipiantur quoque 'Canonici, qui non solum repraesentant^ sed constituunt realem Episcopi Senatum, quique reputandi sunt digniores, quam ceteri qui sepulcro gaudent gentilitio. Eo magis, quod iure receptum sit, Canonicos, qui habeant sepulcrum in cathedrali et simul sepulcrum gentilitium, sepeliri debere in ca- thedrali, non autem in gentilitio sepulcro, ut declaratum est, in Tyburt ina die 12 Maii 1618: proposito enim dubio: « An idem « Canonicus decedens, non electa sibi sepultura, debeat sepeliri « in ecclesia cathedrali tamquam sua parochia, an potius in se- « pulcro maiorum suorum »:, responsum prodiit: In Cathedrali si in ea adsit proprium Canonicorum, sin minus in sepulcro ma- iorum.

Si ergo in propositis regulis serventur sepulcra gentilitia, maiore ratione servanda es"se sepulcra Canonicorum, quae, se- pulcris gentilitiis ex ipso iure praeferenda essent.

Item aequum videri a lege communis coemeterii eximere qui sepeliri velint in supradicta Capella, quae in ipsa cathedrali exstabat, ob allegatas a Canonicis causas, quin periculum adesset, eandem Capellani commune quodammodo coemeterium fore eva-