Capellaniae 651

perspíceret, paucos esse Sacerdotes qui canonicales praeben-

das susciperent, supplicem libellum porrexit Sanctissimo, pe-

tens ut sibi opportunas facultates tribueret reducendi numerum

sex canonicatuum ad tres tantum Capellanías, cum onere

Capellanis imposito coadiuvandi Parochum in exercenda ani-

marum cura, eaque omnia peragendi, quae populi bono magis

expedirent. - Episcopus voti compos effectus est, siquidem die

3 maii 1834 sequens rescriptum prodiit « Sanctissimus Dnus

« Noster, audita relatione infr. Secretarii S. Congregationis

< Concilii, attentisque peculiaribus circumstantiis in facto con-

« currentibus, supradicti Episcopi ... precibus annuens petitam

« facultatem commutandi enunciatam Testatoris voluntatem

« super numero Praebendarum erigendarum, easque redu-

« cendi ex numero sex ad tres eidem Episcopo et Visitatori

« Apostolico oratori benigne impertitus est ». Hoc habito

rescripto, pii Testatoris bona in tres partes divisa, fruenda

tradita sunt tribus Sacerdotibus, nulla tamen facta praeben-

darum canonica erectione, neque praemissa regulari collatione

ad normam sacrorum canonum. Haec tamen erectio canonica

anno 1838 ab alio Episcopo expleta est, qui simul tribus

Capellanis onus coadiuvandi Parochum imposuit tum in sacra-

mentorum administratione, tum in infirmorum assistentia, eos-

que ut veros comparochos constituit, atque iuspatronatus, vi

Pontificii rescripti superius relati, extinctum renuntiavit;

Contra has dispositiones recursum fecit ad H. S. C. Ar-

chipresbyter expostulans, ut pia testatoris voluntas exeque-

retur in omnibus, ideoque obreptitium ac subreptitium Ponti-

ficis Rescriptum renuntiaretur. Cum vero una ex praefatis

Capellanus vacasset, duo ex descendentibus illarum familiarum

quas Testator vocaverat institutionem expetiere ab hac eadem

S. Congregatione, contra Clericum qui ad illam optabat per-

inde ac si liberae collationis esset.

Exorta propterea lite, decretum prodiit in S. C. Secretaria

ponatur in folio, atque causa proposita est sub dubitandi .for-

mulis in calce exscriptis.