652 Ex S. C. Concilii

portionem ac aliis participantibus fuisse assignatam. Neque notare omittit hodiernum archipresbyterum, iam a 14 annis parochum in ecclesia S. Leonardi, huic vetustae consuetudini usque ad a. 1 9 0 0 acquievisse. Accedit quod archipresbyter congrua fruitur libell. 1 0 0 0 non computatis incertis utriusque stolae, dum participantes tenues reditus habent.

Demum advocatus impugnat dispositionem Episcopi circa cantum De profundis et Libera; sive quia cum participantes sint veri concurati, iisdem iuribus ac privilegiis frui debent ac archipresbyter; sive quia praefata dispositio sese opponit Statutis Capitularibus et consuetudini; sive quia loci deter- minatio et restrictio non nititur plausibili ratione.

Deductiones archipresbyteri. Hic prae primis refel- lere conatur argumenta ex adverso allata. Sane neque ipsa pars adversa denegat quod animarum cura principaliter in ipso archipresbytero resideat, ac proinde ad tramitem Statu- torum Capitularium dicendum est participantes esse potius coadiutores parochi. Missa quotidiana pro populo a Statutis Capitulo imposita forsan est illa, quam singula Capitula te- nentur quotidie offerre pro benefactoribus in genere, non autem Missa parochialis, quae non egreditur dominicos et festos dies.

Praeterea Statuta Capitularia non huiusmodi sunt naturae, ut numquam ab Ordinario ex iustis rationibus immutari pos- sint praesertim in sacra perlustratone dioecesis, in qua a Conc. Trid. (Sess. 24, cap. j de Reform.) Ordinariis tamquam Sedis Apostolicae delegatis in spirituale bonum animarum dantur speciales facultates. Unde est quod Crispinus (Visita Pastorale, part. 2, § 29, n. i) postquam docuit quod Epi- scopus possit corrigere quod est contra ius commune, loquens de Statutis ecclesiarum ait: «Se poi negli Statuti si debba alcuna cosa riformare ciò si rimette alla dottrina ed alla pru- denza del buon Vescovo e dei suoi Visitatori o di altri suoi consultori » ; et rem firmat decisione H. S. C. in Oseen. 27