COLONIEN. 653

Tandem praxis est optima legum interpres, sed in quam- plurimis dioecesibus vicarii sive coadiutores parochorum nequa- quam constituuntur cum ampla illa facultate etiam assistendi matrimoniis, qua gaudent vicarii parochiales in Gallia (cfr. Gury, Theol. mor.{tom. II. n.850). Quare primum illud membrum dilem- ma tis non verificatur. Hinc Feije 1. c. n. 296 scribit: « Quum autem vicarii seu cooperatores parochorum non ubique ita constituan- tur, ut eis generalis illa Sacramentorum administratio sit ab Ordinario attributa vel saltem non ubique in generali Sacramenta ministrandi commissione censeatur comprehensa assistentia ma- trimonialis, idcirco in singulis dioecesibus indagandum est, quo- modo illi nominentur; in multis dioecesibus et certe in Belgio, indigent facultate a parocho obtenta. » Quod Feije de Belgio te- statur, coadiutoribus parochialibus nequaquam ab Episcopis dari generalem illam commissionem administrandi omnia sacramenta etiam matrimonium, id etiam in dubium vocat saltem pro dioe- cesi Brixinensi Aichner, Compendium iuris eccl. § 187, not. 16, quin imo Scherer, Ius ecclesiasticum § 93, not. 43, in Austria et Hungaria huiusmodi generalem deputationem vicariorum exi- stere, omnino negat solideque probat, atque omnino dubitat, num in Germania proprie dicta ampla illa potestas coadiutorum exi- stat. Et revera Kreutzwald, qui est professor iuris ecclesiastici in seminario Coloniensi, de ipsa Archidioecesi testatur, ibidem nullo modo coadiutoribus parochorum competere vi officii ge- neralem illam facultatem assistendi matrimoniis, sed sive pro singulis matrimoniis, sive pro pluribus matrimoniis, sive genera- tim pro omnibus matrimoniis, in parochia celebrandis, expressam parochi licentiam requiri. Cfr. Ephemerides pastorales (Archidioe- cesis Coloniensis) a. 1889 p. 27 sq. At non obstante hac certis- sima praxi, qua coadiutoribus ius assistendi vi officii negatur, nequaquam canonistae, quos modo commemoravi, parocho ne- gant ius etiam generaliter sive ad universalitatem causarum coadiutores saltem valide deputandi. Ita v. g. Feije 1. c docet: « Parochus potest generalem quoque vicario suo dare commis- sionem, sed improbandum est, si parochus alicui generale hu- iusmodi det mandatum, ut, se licet non absente nec impedito, omnia parochialia peragere queat. » Similiter neque Aichner, qui nunc est Princeps Episcopus Brixinensis, 1. c. in suo Compen- dio iuris ecclesiastici, per universam Austriam divulgato neque Kreutzwnld, S<*horer aliique canonistae de illo iure parochorum