LUBLINEN. SEU VARSAVIEN. 653

lum misit Consistorio Generali Lublinensi, adprecans ut suum matrimonium nullum declaretur.

Curia Lublinensis super hac asserta nullitate rite pro- cessum confecit, atque primum coniuges excussit, qui sub sanctitate iuramenti deposuerunt matrimonium contraxisse coram parocho non proprio absque delegatione parochi pro- prii. Auditi fuerunt testes septimae manus ex parte mu- lieris, qui fidem dictorum a Ioanna confirmarunt ; deficiente autem septima manu ex parte viri, plures alii testes ex of- ficio excussi fuerunt. Percontatus etiam fuit Carolus Lis- sowski, affirmans, se ad nuptias benedicendas a parocho Mo- rysinski, qui duobus mensibus ab inito matrimonio mortuus est, delegationem habuisse in forma consueta, atque proba- biliter huius delegationis litteras eidem praesentavit ipse vir ; sed testis hanc depositionem noluit iuramento firmare. Tamen de hac delegatione nec in parochiali, nec in episco- pali archivio, neque alibi quidquam reperiri potuit : imo omnes fatentur actum celebrati matrimonii scriptis non fuisse consignatum. Quare Consistorium Dioecesanum Lublinense sententiam edidit, qua matrimonium hoc nullum declaravit ex capite clandestinitatis.

Sed matrimonii defensor, uti par erat, appellationem interposuit apud tribunal 2 a e instantiae Curiae Metropolita- nae Varsaviensis. Reque vera hoc Tribunal iterum coniu- ges excussit ac plures testes, inter quos Carolum Lissowski, qui nuptiis benedixit. Hic tamen depositionem ante Curiam Lublinensem factam confirmavit atque ratam habuit, et in- vitatus ad hanc depositionem iuramento firmandam, iterum renuit, hanc adducens rationem, quod « vir Gniazdowski canonico Capituli Lublinensi Wóiciski dixit, me, si in iu- dicio Ecclesiastico iurassem in fidem habitae delegationis, de periurio ab ipso coram foro saeculari postulatum iri ». Tamen Tribunal Varsaviense, affirmans ex factis praesum- ptionem haberi de concessa delegatione a parocho proprio coniugum, sententiam l a e Instantiae cassavit atque matrimo- nium validum declaravit.