656 DREPANEN.

talem conditionem non iuri contrariam sed consonam pro- nunciavit.

X. Cessante alterius praeiudicio suis fere legibus sive ante sive post episcopalem assensum, fundatorem haud ad- stringi, qui valet ob id praesentare clericum, qualitates in fundatione praescriptas non habentem, aliaque onera et re- quisita abrogare aut patronatum haereditarium convertere in familiarem et gentilitium vel ei superaddere patronatum passivum.

F E R R A R I B N .

M A T R I M O N I I

Die 5 Maii et i Decembris 1883, et 7 Septembris 1889.

Sess. 24, Cap. 1 de ref. matr.

C O M P E N D I U M F A C T I . Francisca, filia Thomae Larusso, ducis in militia italica, patrem secuta, dum Ianuae degebat, verbis matrimonii et artibus cuiusdam Gherardi Pietrafesa, medici militaris, sese nimium facilem praebuit. De hoc certior factus puellae pater, magno correptus furore, et filiae et Gherardo extrema minitatus est, nisi in matrimonium sese unirent, ea tamen lege, ut Francisca non traderetur viro nisi post constitutionem dotis, quam eo in momento ipse praestare non poterat. Atque Gherardo moras nectenti dixit, quod singulare certamen secum habere debuisset, si nuptiae quam- primum non fierent; filiaeque mandavit ne suum consensum auderet recusare.

Hinc factum est ut die 22 Aprilis 1864, dispensatis pro- clamationibus , in metropolitana ecclesia Ianuensi servato ritu catholico, matrimonium celebratum fuerit. Quo peracto, pater filiam statim secum in domum reduxit, et eodem die vel insequenti, Barium cum ea perrexit. Ibi Francisca apud aviam mansit, donec omnia pararet quae necessaria erant ut Institutum Batti f ort ingrederetur; quod revera ingressa est