656 POLICASTREN.

ste sint in carcere detenti, aut, iniuria vexati, coacti sint fugam capessere. Insuper ea lex condita est die 4 iulii an- ni 1892, atque ab eo die tantum vigere coepit. At sacerdos Fasanaro Vibonatis est profectus die 13 Octobris anni 1889, reversusque est mense iulio anni 1893. Ergo si etiam quid in ea lege deprehendi posset, quod illi faveat, hoc appli- cari nequiret, nisi ultimo tantum anno eius absentiae, con- cludit Orator.

Denique patronus disserit, utrum sacerdos Fasanaro ali- quid iuris celebrandi vibonatenses missas sibi queat vindicare pro eo temporis spatio, quo, dum vacationes sunt, quotan- nis Vibonatos revertebatur. Quod perfracte negat patronus, asserens consuetudinem ecclesiae Vibonatorum non adverso favere, ut ipse contenderet, sed e contra ipsi e diametro contradicere. Contendit enim orator quod omnibus vibona- tensibus sacerdotibus fas sit quando velint participationem inire, eamque pro lubitu deserere, sed ad commoditatem ad- ministrationis bonorum illius Ecclesiae, consuetudinem indu- ctam esse, ne, quoad emolumentorum perceptionem, de bre- vioribus participationibus, brevioribusque absentiis ratio ulla haberetur, et ne quis ad participationem admitteretur, nisi tres saltem in anno menses sacris ritibus interfuisset. Hinc factum est, ut rev. Fasanaro anno 1889 hoc commodi per- ceperit, quod, etsi die 13 Octobris Vibonatos reliquerit, tamen ad participationem missarum ita fuerit admissus, velut si usque ad diem postremum decembris eiusdem anni Ec- clesiae inserviisset. At singulis quatuor annis, qui sequuti sunt, nunquam tres integros menses Vibonatis adfuit. Nam- que anno 1890 quadraginta dies Vibonatis fuit; anno 1891 duodequadraginta; anno 1892 duos ferme menses; anno 1893 quatuor dies tantum, tempore bacchanalium; nam, absolutis studiis, domum reversus, ad participationem tamen eo anno rediit. Quapropter huiusmodi exigua temporis spatia nullum ad percipienda in Ecclesia Vibonatorum emolumenta, exceptis si quae adventitia per id temporis obvenerint, ius in eum conferre potuerunt, infert advocatus.