656 LUBLINEN. SEU VARSAVIEN.

sowski a parocho Morysinski non obtinuerat. « Antonius Gniazdowski vero interrog. ad 9 Lissowski per telegramma quod appellant, a me ad nuptias, quarum dies postremo iam tempore praestituta est, invitatus et de termino cer- tior factus venit Lublinum pridie nuptiarum vesperi nec quidquam tam ante quam post nuptias de ullis formalita- tibus ad nuptias requisitis ultro dixit sive interrogavit ». Atqui ipse Carolus Lissowski ad interrog. apparet se pro delegatione ad benedicendas nuptias a parocho Morysinski obtinenda non egisse cum ipso parocho, sed de eius assi- stentiae vel delegationis necessitate monuisse Gniazdowski sponsum, qui si literas delegationis habuisset pridie nuptia- rum non expectasset parochum Morysinski, cuius absentia non creasset timorem et anxietatem.

b) Defuisse delegationem probat defectus actus de cele- brato matrimonio seu actus copulationis, quem appellant, etsi cum exteriori pompa et apparatu initum illud fuerit: neque enim in archivio Cathedralis Lublinenensis neque in archivio parochiae Trzeszczanensis, neque in Cancellaria epi- scopali, neque in archivio magistratus civilis reperiri potuit actus copulationis. Neque in archivio parochiali ullum ve- stigium delegationis concessae, uti testatur curatus praesens interrogatus. Iamvero si delegatio praesertim per literas data esset, actus dictus copulationis et delegatio adnotata fuisset in uteris parochialibus uti quilibet diligens curatus praestat : sed Morysinski laudatur ut diligentissimum ab eius successore Iawarowscki in epistola missa dd Carolum Lis- sowski.

3° Non modo expressam, sed et tacitam defuisse delegatio- nem, constat ex contradictione parochi proprii, qui iam ab ini- tio adversabatur hisce nuptiis, uti fama erat, atque uti plures testes deponunt. Apertae vero contradictionis testes sunt prae- sertim duo: quorum alter est Anton. Michael Olecowski qui ad 4 m . sic respondet « Fando audivi nuptias eorum celebratas esse Lublini. Circa reliqua nihil in medium pro- ferre possum, praeter quam quod una cum Gniazdowski adii