FERRARIEN. 657

duos fere post menses. Gherardus vero domum suam repe- tiit, in oppido Rionero, intra fines dioeceseos Melphictensis.

Per septennium Francisca in dicto Instituto commorata est, quo tempore nonnullas accepit epistolas a Pietrafesa, cui et responsum dedit. In huiusmodi litteris de dotis con- stitutione, ut plurimum, agebatur, Gherardus enim in id insistere visus est, asserens sese nullo modo posse eam sine dote secum habere. Ita res permanserunt usque ad annum 1871, quando, patris habito consensu, avia comite, Francisca, re- licto Instituto Battifort, ad patrem reversa est. Sed pauco tempore paterna gavisa est societate, nam Thomas, Ferrariae, dum ibi praesidio erat, anno 1874 diem obiit supremum.

Infausta hac occasione quidam Ioannes Balboni huma- nissimum se praebuit; Franciscae et aviae, omni quo potuit subsidii genere, profuit ; suum animum aperuit, Franciscae matrimonii propositum manifestando, eam cum avia Darium comitatus est; iterum iuvenem in Instituto Battifort, suis expensis, collocavit, a quo post tres menses Ferrariam re- duxit. Eo ex. tempore Ioannes et Francisca, ut vir et uxor vivendo prolem habuerunt.

Aliquot post annos huiusmodi consuetudo vitae innotuit Gherardo Pietrafesa, qui tunc, ceu ipse enarrat, se solutum ab omni obligatione reputans, habito liberi status testimonio, cum alia muliere, anno 1878, alterum matrimonium con- traxit, ex quo tres filios habuit. Huiusmodi unionem anno 1880 Franciscae significavit.

Ita se res habebant, cum Francisca, eodem anno 1880, supplici libello petiit a Summo Pontifice, ut dispensantur a matrimonio cum Gherardo contracto, tum ut suae con- scientiae consuleret, cum ut rite Ioanni Balboni uniri posset, ac prolem legitimare.

A S. Congregatione Concilii, prout de more, Ordinario Ferrariensi commissa fuit confectio processus, super matri- monio rato et non consummato, nec non super causis dispen- sationis.

Curia Ferrariensis, mandato S. Congregationis obsequens, Acta, Tom. XXII. fase. CCLXIII. 42