Fernen. 6 5 7

qua possessio primo loco et deinde in ipsa ecclesia S. M. de Misericordia a pro tempore existente rectore semper huc- usque fuit capta, cum titulo Plebis seu Plebaniae remanere deberet, et in ea quoque Plebanus pro tempore existens abs- que alicuius impedimento semper quatuor actiones exercere valeret: primo scilicet quod Communio saecularium utriusque sexus in die Resurrectionis Dominicae et in Feria V in Coena Domini inibi fieri deberet; secundo distributio et sumptus candelarum in festo Purificationis B. M. V.; tertio celebratio Missae cantatae et Processio in die festivitatis Sancti Marci E.; quarto quod exequiae et quarta funeralis omnium Christifi- delium defunctorum, qui in dicta parochiali ecclesia SS. Pe- tri et Pauli AA. sepelirentur per dictos Fratres absque ulla contradictione eidem Plebano consignan deberent ». Insuper, ne veteris paroeciae memoria obliteretur et etiam grati animi ergo, dictis Religiosis impositum fuit onus annuae solutionis unius librae cerae elaboratae favore parochi et Ordinarii.

Hae conditiones integre servatae fuerunt a Regularibus usque ad a. 18 7 1 , in quo ipsi ob leges italicas Ordinum religio- sorum eversivas relinquere coacti sunt ecclesiam et coeno- bium, quod a Gubernio concessum fuit Municipio pro coe- meterii constructione. Ex eo tempore in ecclesia SS. Petri et Pauli deputari coepit rectorem seu custodem, qui etiam munere capellani coemeterii fungebatur. Non constat num archidiaconus parochus Collegiatae vel Curia dioecesana hos capellanos nominaverit; tamen duo ultimi a Curia designati fuerunt. Res pacifice processerunt usque ad a. 1889, in quo ad praecidenda exorta dissidia inter parochum et capellanum quaedam temporanea transactio inita fuit, quae a. 1898 per aliam moderata fuit ab actuali parocho Paganucci et capel- lano Della Santa peractam. Sed cum a. 1902 hic declarasset novam hanc conventionem non amplius servare velle, paro- chus etiam alterae concordiae nuntium misit, et ad H. S. C. recursum habuit.