658 Capellaniae

dem illa se refert ad casum derogationis, non vero ad casum

extinctionis vel abolitionis iurispatronatus, de quo unice rem

habemus in praesenti controversia. Nam Pontifex sive per

simplicem collationem alicuius beneficii, sive per unionem aut

reservationem ab ipso factam, derogat quidem iuripatronatus

ecclesiastico, quin de eo specialem faciat mentionem, sed tamen

temporanee derogat, vel potius ipsius exercitium pro illa vice

suspendit; unde Vivianus in partitione sui operis de praxi

iurispatronatus y inter modos, quibus precario tempore, illud

cessat, recenset etiam derogationem a Papa factam ; et in

eodem opere p. j, Lib. XIV, c. 2, n. 26, subdit quod in

huiusmodi derogationibus servari soleat, ut dicatur pro hac

vice tantum. Ita etiam De Luca, De iurepatronatus, disc. 65, n. 18, et disc. 66, n. i.

Facta igitur distinctione inter simplicem derogationem et

abolitionem, statim apparet adducta superius argumenta nulli-

mode probare iuspatronatus in praesenti quaestione extinctum

fuisse, idque eo luculentius apparet cum hic non agatur de

collatione, unione, aut reservatione a Principe facta, sed tan-

tummodo de commutata testatoris voluntate circa numerum

praebendarum. Manet igitur inconcussum principium illud :

Pontifex, quod voluit expressit.

Neque dicendum ex Rescripto Pontificio ita rerum statum

immutatum fuisse, ut iuspatronatus perierit. Siquidem Archi-

presbyter pro tempore, cui prima vice ius praesentandi deman-

datum fuit, in eadem prorsus conditione versatur ac erat ante

Pontificis Rescriptum.

Nec obstat quod illarum praebendarum collatio iam bina

vice locum habuerit; nam Archipresbyter suum ius numquam

reclamare destitit, proindeque numquam amisit. Pariter ex eo

quod praebendae ad pauciorem numerum reductae fuerint, non

videtur cessavisse pro praebendatis ius nominandi in singulis

vacationibus prout Testator ipsis concessit: numerus enim

nominantium in iurepatronatus mere accidentalis est, cum etiam

ab uno tantum fieri possit praesentatio, ut omnes norunt. Rur-