IPPOREGIEN. 6S9

nerali non aliunde repetendum quam ex variis casuum cir- cumstantiis et ex peculiaribus cuiusque ecclesiae statutis et consuetudinibus, ceu probe monet folium S. C. in Reatina Missae Conventualis 26 Ianuarii 1850 § Re quidem vera.

Porro in decernendis iuribus et exemptionibus canonici iubilati, uti praecipua ratio haberi solet consuetudo, cui adhaerendum esse etiam si ecclesiae statutis opponatur, do- cuit apertis verbis S. O. in Tudertina relata in lib. 1. De- cret, pag. 86, et pluribus resolutionibus deinde firmavit. Quae autem observantia in Ipporegiensi capitulo quoad haec vigeat, enuntiatur a canonicis his verbis: usque adhuc ca- nonici iubilati nostrae recordationis, his oneribus satisfecerunt sicut ceteri canonici.

Praeterea perpendi posset quod licet iubilationis indultum sit, quodam respectu, favorabile, attamen sub alio respectu est etiam odiosum, ut eruitur ex Piacentina Iubilationis 28 Iulii 1787 § Etsi, et ex Constantien. 4 Maii 1732. Quod in themate praesertim tenendum videretur, nedum ex gene- rica ratione quia ecclesiae servitium imminuitur, verum etiam quia plurium missarum celebratione, quarum eleemosynam iubilatus perciperet, ceteri canonici onerarentur. Unde for- san aequum esset rem odiosam restringendo, benigne Capi- tuli Ipporegiensis preces excipere.

QUAE PAVENT CANONICO IUBILATO. Nihilominus prae oculis pariter habendum est, iubilatum militi comparari, qui « con- fectis stipendiis, arma deponit et relicto officio quod gerebat, ad propria veteranus rura dimittitur, ut et ipse exercitae laboribus vitae quietem consequatur et alios spe futurae quietis subeundis faciat operibus promptiores. » Scarfanto- nius ad Ceccop. lib. 3 Animadv. ad tit. 6. n. 9. Proinde S. C. C. indulta iubilationis uti causas favorabiles respicere consuevisse; ita ut proprius ad rem inferri potuerit in Xw- cana Exemptionis 16 Aprilis 1852 § Ceterum: « hanc fuisse S, Congregationis disciplinam, ut nimirum canonicos iubila- tos exemptos putaverit a celebratione missarum vel conven- tualium vel capitularium, sive per se, sive per alium. » Cui