659

Archiepiscopo Coloniensi datur facultas iudicandi in tertio gradu causas iudicatas in primo a Curia Friburgensi et in secundo a Curia Rottemburgensi.

PIUS PP. X

Ad futuram rei memoriam.

Romani Pontifices ad quos, utpote supremum Ecclesiae regimen divinitus habentes, accipere appellationes pertinet in ecclesiasticis causis, quas iuxta canonicas sanctiones Catholi- cum per orbem Episcopi sive Metropolitae iudicaverint, quan- doque consueverunt sacros eligere antistites qui sua vice ac nomine hanc ipsam iudicandi potestatem exercerent, ut nimirum Iudiciorum cursus expeditior esset eaque ratione fidelium com- moditati prospiceretur. Nos porro huiusmodi insistentes exemplis, fidelium commoditati potissimum prospicientes, hodierno pro tem- pore existenti Archiepiscopo Coloniensi harum tenore litterarum facultatem facimus, duraturam ad septennium proximum in- choandum a die quo praesentes litterae datae sunt, ut in tertio gradu iurisdictionis veluti Noster ac S. huius Sedis Delegatus co- gnoscere usque ad definitivam sententiam inclusive possit ac va- leat, tum matrimoniales, tum ecclesiasticas alias causas quas in prima instantia Ordinarius Friburgensis, dein in secunda in- stantia Episcopus Rottemburgensis ex delegata per Apostoli- cam Sedem potestate iudicaverit. Mandamus vero ut in causis matrimonialibus accurate servetur Constitutio Benedicti PP. XIV Praed. Nostri quae incipit « Dei miseratione », atque ad adhi- bendam in tanti momenti causis necessariam sedulitatem, ma- turitatem, consilium, prae oculis haberi volumus sapientes me- morati Praedecessoris Nostri litteras quae ab Ipso datae sunt ad Poloniae Antistites die XI mensis Aprilis anno MDCCXLI et die VIII Maii MDCCXLIII. In ceteris vero ecclesiasticis causis omnia et singula observentur quae canonicae sanctiones praescribunt. Volumus autem ut Coloniensis idem Antistes in omnibus et sin- gulis iudiciorum huiusmodi Actis Delegationis Apostolicae ex- pressam et specificam mentionem faciat. Quod si qui fidelium

EX SECRETARIA BREVIUM