660 IPPOREGIEN.

consonat Spoletana Iubilationis, diei IS Augusti et 24 No- vembris 1770, Balneoregien. 19 Augusti 1713 et Praene- stina 5 Septembris 1835, in quibus canonici iubilati ah oneribus, quomodocumque capitulo inhaerentibus, exemptionem obtinuerunt. Imo in citata Praenestina, proposito dubio: « An canonici iubilati Terrae Cavarum teneantur tot alias mis- sas lectas, ad massam communem non pertinentes, applicare, iuxta morem Praenestinae cathedralis in casu; » responsum prodiit : < Negative. >

Relate yero ad onerum naturam, quibus iuxta Capitulum praegravandus esset canonicus Destefanis, nec non ad supe- rius assertam consuetudinem, praestat ipsius canonici dedu- ctiones audire , ait enim : onera specialia non habentur in hoc capitulo ; cuius praebendas gubernium gallicum suppres- sit; quae in redintegratione gubernii pedemontani, novam ac- ceperunt dotem conversam in communem massam. Disparue- runt hinc praetensa onera specialia una cum dote et reditibus quibus onera innitebantur. In obsequium tantummodo anti- quorum fundatorum, capitulum assumpsit onus missas litandi nonnullas, in eorumdem suffragium, obligationem imponendo massae communi. Ad hoc implendum onus, acto tempore, capitulum diribuerat missas inter praebendatos singulos, con- stituendo pro qualibet missa eleemosynam unius libellae cum dimidio, et duarum libellarum pro litandis apud constitutum altare. Tali ratione horum onerum implementum, utile erat. celebrantibus et ab eiusmodi commodo numquam abalienati fuerunt iubilati, et hoc ipsum commodum erat quoque in votis canonici curati et poenitentiarii, qui speciali fruuntur praebenda, a massa communi separata. Capitulum anno 1885 expedire censuit ut assumeretur harum missarum celebratio, ceu gratuitum onus, relinquendo in massa communi, eleemo- synas respectivas, quae percipiebantur ceu redditus massae ad quem ius non habent canonici, qui de massa non partici- pant. Consuetudo invocata respicit tantum annum 1886, et limitatur ad octo missas, quae reperiuntur notatae in rege- stro. A quo unico facto vinculari nequeunt successores.