660 FODIANA

onerum - 28 Aprilis 1827 § Et, et in Anconitana - Re- ductionis Missarum - 26 Aprilis 1828 § Si. - In themate porro aequissimum est Ordinarii propositum, efficiendi nempe ut Missarum eleemosynae congruae suppetant suis Sacerdo- tibus, et ipse directe invigilet in diligentem Missarum ce- lebrationem. Hoc examussim respondet decretis Urbani VIII et Innocentii XII De celebratione Missarum.

Praeterea, in casu, est exquirendum quomodo prospici debeat superexcedenti Missarum manualium numero ; cui quaestioni ita satisfacit Bened. XIV in loc. cit. num. « Cum aliquando relatum sit eo usque excrevisse piorum offerentium liberalitatem ut nulla omnino ratione celebrari possent sa- crificia pro quibus eleemosynas offerebant ; quae tamen si recusarentur exinde, ut minimum, consecuturas hominum offensiones et animarum discordias ; fidelium vero pietati ac religioni multum detractum iri ; his nihilominus parvipensis, illud semper inculcatum fuit ut omni studio ac sollicitudine assumptorum onerum implementum curaretur ; adaugeretur cappellanorum numerus et si id fieri non posset, moneren- tur saltem pii offerentes, tot Missas celebratum iri, quot re ipsa, celebrari posse contingeret ; eos vero pro quibus ce- lebrari nequivissent Missae quas sibi eleemosynam offerentes, deposcebant, futuros participes fructus Missarum, quae in Ecclesia pro benefactoribus in genere offeruntur; vel sal- tem id actum iri, ut Missae per eos optatae in alia Ec- clesia iuxta eorum intentionem celebrarentur, idque publico patentique loco appensa tabella, omnibus nuntiaretur. » In hunc sensum ad unguem respondisse H. S. C. in Re- scripto diei 5 Iulii 1820 patet ex conceptis verbis « . . . in- dulgeat, ut celebrato maiori quo fieri poterit, numero Mis- sarum in Ecclesia Sanctae Mariae Incoronatae . . . super- extantes enunciatarum Missarum eleemosynas . . . erogare possint et valeant iuxta petita; ita tamen ut in loco publico et patenti apponatur Tabella, qua declaretur fidelibus prae- fata eleemosynarum erogatio. » Ne vero accidat, fideles re- trahi ab huiusmodi oblationibus, videretur adlaborandum ut