6 6 o Ex S. C. Concilii

Sed capellanías potius argumentum ad sua iura protuenda haurit ex conventione diei 4 Martii 1899, iuxta quam parocho tantum servantur incerta funerum in die obitus, capellanus nullam dependentiam ab eo habet, cui praeterea imponitur onus annuae solutionis 20 librarum cerae favore capellani, etc. Sub hac concordia sicut duo capellani praedecessores, ita et ipse a. 1896 renuntiatus fuit ecclesiae rector. Hinc deducit quod huiusmodi conventio etiam ab actuali parocho sit ser- vanda, tum quia ei iam aderat ius acquisitum vi Bullae no- minationis in ecclesiae rectoratum quando novus successit parochus, tum quia ea conventio initio a parocho fuit saltem tacite acceptata, et eius denuntiatio tantum locum habuit post cessatam inductam variationem ad annum duraturam.

Demum quoad capellani nominationes advertit, has semper ab Episcopo factas fuisse; nec aliter evenire potuisse, quia Religiosi, quum vi maiori ecclesiam relinquere coacti essent, non ideo in casu ius amiserunt, quod tamen durante eorum absentia, sponte sua devolutum fuit ad Episcopum, cui onus incumbit tuendi divinum cultum in ecclesiis suae dioecesis.

Dubia. I. An nominatio rectoris ecclesiae SS. AA. Petri et Pauli facienda sit a parocho archidiacono Collegiatae loci

Cartoceto, seu potius ab Ordinario Fanensi in casu.

II. An et quomodo eidem parocho spectent emolumenta fu-

neraria etiam in diebus septima, trigesima et anniversaria in

casu.

III. An et quas functiones rector praefatae ecclesiae pera-

gere valeat absque licentia parochi archidiaconi in casu.

Resolutio. Et S. C. Concilii, omnibus hinc inde per- pensis, die 17 Decembris 1904 respondendum putavit:

Ad I. Affirmative a parocho cum approbatione Ordinarii.

Et rectorem in omnibus pendere ab eodem parocho ad quem

ecclesia, ut sua parochialis, plene spectat, stante et durante

Religiosorum discessu.

Ad II. et III. Provisum in I.