662

SQUILLACEN.

ERECTIONIS PAROECIAE

Die 14 Decembris 1895. Per summaria precum.

COMPENDIUM FACTI. Sub die 19 Maii 1888 haec contro- versia proposita fuit in folio, hac dubitandi formula « An sit locus canonicae erectioni paroeciae in casu » cui respon- sum datum fuit « Affirmative, audito Capitulo et de con- sensu parochi, constituta stabili congrua infra triennium. » Verum hoc Decretum adhuc praepeditum fuit quo minus executioni demandaretur nonnullis de causis ab Episcopo relatis. Quae quum pernoscendae sint, pro maturo edendo iudicio, iterum referuntur quae iuris et facti sunt in prae- senti quaestione.

Anno 1886 labente, Episcopus Squillacensis (1), preces transmittens incolarum et municipum loci Mongiana, refe- rebat, hunc pagum paullatim efformatum fuisse et crevisse iuxta ferrariam fabricam ibi a gubernio pro re militari a saeculo circiter erectam: numerare in praesentiarum 1200 incolas; sed parocho proprio carere. Usque ad ultimos hosce annos capellanus militum, qui a gubernio illuc mittebatur ad spiritualem curam gerendam operariorum officinae, simul ab Episcopo delegabatur ad parochiale ministerium susci- piendum erga circumstantem plebem. Sed suspensa ab actuali gubernio capellani provisione, illuc ab ordinario mitti con- suevisse sacerdotem, qui ecclesiae curam haberet et populo sacramenta ministraret. Populum autem et municipes ur- gere, ut haec ecclesia erigatur in paroeciam et ipsi de per- petuo proprioque pastore provideantur. Sed obstare defectum congruae. Nihilominus, prosequebatur Episcopus magno cum gaudio referre oportet non deesse contributiones populi, etsi pauperrimi, et municipii favore parochi. Quinimo civile gu- bernium adpromittit stabilem contributionem, statim ac ere- cta fuerit paroecia,

(i) Recole Vol. XXI , 182.