GONCORDIEN. 663

Episcopus autumat, sed in custodiam tradendam tribus novis parochis cum concursu omnium dismembratae paroeciae sa- cerdotum.

Res cum ita se habeant, Episcopus subdit maxime con- gruere, ut spiritualis iurisdictionis divisio cum naturali ac civili territorii divisione coincidat. Praeterquam quod enim aequum est rationem habere de iis causis sive naturalibus sive civilibus, quae concurrerent ad uniendos vel dividendos cives et in distincta municipia constituendos, id insuper utile es t , quandoquidem difficultates tollit et faciliorem ipsam administrationem spiritualem reddit. Hinc mirum non esse, quod omni tempore Ecclesia tam in paroeciarum quam in dioeceseon constitutione, quoad potuit et nisi speciales circumstantiae obstiterint, hoc quoque prae oculis habuerit, ne iustas populi propensiones et politicas naturalesque di- visiones offenderet.

Quoad vero peculiarem conditionem in qua matrix s. Mar- tini ecclesia collocaretur, observatum fuit ex ea antiquae paroeciae honori et conservationi satis superque provideri, simulque iustis municipii de Asio exigentiis satisfieri. Etenim, cum matrix s. Martini ecclesia in municipali Clauzetti ter- ritorio sita haud sit, sed intra fines municipii de Asio con- sistat, omnium consiliorum optimum videtur hanc ecclesiam nulli loco adscribere, eamque neutram et independentem relinquere. Siquidem quaelibet eius adscriptio alteram partem offenderet. Utrumque enim municipium titulos profert ad matricem sibi vindicandam. Vitus quidem de Asio, quia matricem suis finibus includit, et forte aegre ferret alterius municipii sacerdotem suos fines ingredi; Clauzettum vero, quia locus ceteris praestantior est et antiqui parochi sedes. Hisce et aliis pluribus perpensis, Episcopus concludit rescri- ptum ab H. S. C prolatum non pro simplici dismembra- tione, sed pro suppressione ecclesiae s. Martini accipiendum esse.

Q U A E C L A U Z E T T I M U N I C I P I O F A V E N T . Ex altera vero parte municipes Clauzetti pro aris et focis dimicant, ne ab antiquo