SQUILLACEN. 663

Unde Ordinarius facultatem petebat paroeciam erigendi, hoc non obstante certae congruae defectu. Sed visum fuit in incertum rem non debere committi, et ideo rescriptum fuit: Relatum.

At hisce diebus municipii praesides, universumque con- silium, imo et complures incolae ad S. O. C. denuo in- stantiam pro gratiae concessione fecerunt. Qua de re cum Episcopi votum expeterem, auditis interesse habentibus, ipse se retulit ad ea quae antea exhibuerat, et ultra nihil adiecit.

Disceptatio Synoptica

Porro audiendus certe erat parochus illius territorii, in quo pagus Mongiana surrexit, quippe ex dismembratione de- trimentum aliquod, saltem quoad extensionem iurisdictionis patietur. Id sane consentaneum aequitati fuisset, et regulae iuris 29 in VI iuncta Clem. 1 § ad haec De stat. mo- nach, cum DD. Reiffenstuel ad lib. 8 tit. 12 n. 72 aliis- que et ordinariae S. C. C. praxi.

Sed praeter hanc difficultatem contra gratiae concessio- nem militat quoque defectus certae congruae. Hac enim de- ficiente, parochiam non debere constitui, praeter ius positi- vum ipsa iustitia et aequitas naturalis absolute exigit. Qui enim altari inservit de altari vivere debet, et nemo militat suis stipendiis; sed quiquis ex opera quam navat honestam compensationem ex qua vivere possit, iustissime exquirit. Unde officia erigere aut ministros ad laborandum mittere absque convenienti certoque stipendio neque congruum, neque expediens est. Sicut etiam positive constituitur, in cap. Ex- tirpandae 39 De praebenda Conc. Trid. sess. 21 pag. 4 et in Const. S. Pii V. Ad exequendum.

Porro congrua curatis debita, generaliter loquendo, ta- xatur in scutis 100 non solum ab ipso Tridentino sess. 24 cap. 13 De reform, sed etiam a S. Pio V cit. cons. et Rota par. 18 tom. 1 decis. 374 num. 1 Recent, cum com- muni. At licet haec taxatio non sit absoluta, neque in hac materia certa regula assignari possit, sed iudicis arbitrium