664 CONCORDIEZ.

hoc titulo parochiali divellantur: id namque sine gravi sive temporali sive morali suo detrimento contingeret. Siquidem exinde necessarium fieret ut : 1. Onus Clauzetti oppido im- poneretur novam congruam parocho et novis capellanis con- stituendi. Cessante enim antiqua congrua in vim abolitionis paroeciae, ipsa decima, seu quartesium constitui haud posset, ex eo quod lex civilis id prohibet. Hinc Clauzettum ingen- tem pecuniae summam pro parochi congrua et pro capella- norum substentatione efformare deberet, quod efficere haud posset, quia aere alieno gravatum est ; et dato quod posset, tamen nollet, quia decimas seu quartesium persolvere inten- dit. 2. Ex suppressione derivaret, quod ecclesia parochialis s. Martini derelinqui deberet, quam tamen conservandam esse monumenta et opera aestimatione digna suadent, quae in dicta ecclesia reperiuntur. Idque eo vel magis, quia, uti eruitur ex visitatione pastorali ab Episcopo mense Septembri anni 1886 peracta, dicta ecclesia necessaria suppellectili, in- dumentis sacrisque vasibus haud caret, neque instaurationibus indiget. Quibus accederet 3. quod gravi iniuria fere tria millia parochianorum afficerentur, si iniuste, permagno ipsorum damno et absque filialium ecclesiarum utilitate ab ecclesia matrice divellerentur et Clauzettum a dignitatis statu deci- deret , quae ab undecim saeculis gaudet. 4. Tandem, quia parochialis ecclesia cui honor et reverentia debetur, et quae iure conservanda e s t , inutiliter destrueretur , ex eo quod deinde magnis expensis atque molestiis reaedificanda esset.

Animadvertunt insuper legem civilem adesse, quae prae- cipit, ut duo municipia uni parocho subiecta, quando sepa- rari volunt, concorditer procedere debeant, aliter rem inu- tilem agerent. Ex quo sequi aiunt, quod, nisi votis municipii Clauzetti satisfieret, paroeciae divisio ad exitum perduci haud valeret ; Clauzettum enim numquam, nisi sub expositis con- ditionibus, divisioni acquiesceret.

Ultimo denique loco recolunt in praesentiarum aliam etiam quaestionem in ea paroecia agitari, num scilicet de- cimae (guariese) quibus maxima ex parte s. Martini bene-