664 SQUILLACEN.

potissimum praevaleat; attamen id quod lex et naturalis et positiva absolute vult, est, quod haec qualiscumque congrua sufficiens ad honeste vivendum et certa sit.

Porro in themate hoc reperiri non datur. Siquidem sub- sidium quod in praesentiarum municipium rectori tribuit, et tenue est, nempe 300 circiter libellarum, et incertum, nam illud facillime suspendere poterit aut forte etiam debebit eius loco subrogando subsidium quod ex administratione fundo- rum cultus obtinere sperat, erecta semel paroecia; nam mu- nicipium in arcta versatur conditione oeconomica.

Attamen non videntur peremptorii valoris esse obiectio- nes contra gratiae concessionem promotae. Non prima, circa defectum consensus parochi territorii ubi nova cura erigi postulatur. Etenim nihil detrimenti ex hoc facto sentire poterit territorii parochus : non detrimentum iurisdictionis; nam iurisdictionem in eo pago limitrophus parochus non vi- detur unquam exercuisse; cum usque in praesens capellanus militum, de mandato capellani maioris, regeret animas in officina ferraría degentes, et ex delegatione Episcopi fami- lias circum iacentes; hodie vero rector ecclesiae illuc ab Episcopo directe mittitur. Non damnum materiale ; quia be- neficium hoc parochiale nihil unquam contribuit, neque a principio cum ecclesia Mongiannensis est erecta, neque ho- die cum in parochialem erigi postulatur.

Porro dismembratio, odiosa potissimum est, si fiat de beneficio seu de bonis beneficiariis; nam per hoc veteris be- neficii status laeditur, et media honestae substentationis an- tiquo parocho minuuntur; sed divisio solius iurisdictionis seu territorii plerumque et in themate potissimum, nullimode laedit oeconomicum statum veteris beneficii, sed ad summum ambitionem offendere potest illius, cuius iurisdictio coar- ctatur.

Quod tamen respici non debet in comparatione cum bono animarum ex divisione iurisdictionis manante; neque appli- cari potest ad praesentem causam; quia iurisdictio iam de facto divisa, iuxta dicta superius, reperiebatur.