664 EX S. C. CONCILII

in parochia cum animo ibi perpetuo permanendi, si nihil inde avocet ».

Inutile autem putat advocatus animadvertere pupillos tutela (et cum tutela domicilio) carere non posse. Quando enim tutor a parentibus designatus non fuit, a lege datur. Ob hanc rationem tutela dicitur « iure civili data ac per- missa ».

Praeterea, inquit orator, domicilium minorum apud pa- rentes, pupilli apud tutorem appellatur necessarium, quia nullum aliud domicilium illi substitui potest, usque dum minor e patria potestate vel tutela emancipatus non fuerit; nec indiget probatione, quia ex lege scatet, unde dicitur etiam legale, seu iuris.

Haec principia certa sunt, nec ullam controversiam, iu- xta patronum, admittunt.

Sic d'Annibale: « Uxor mariti, filius familias sub cuius potestate est, qui sub tutela est tutoris necessarium domi- cilium sequitur ». Cf. Gasparri, De matrim., n. 925; Lau- rin, Tract, de domicilio : « profecto filii vel filiae minores habent domicilium necessarium vel legale in domo paterna vel materna ». Cf. I. 4-, Dig. De his qui sui 1, 6; Instr. Card. Rauscher, § 41 etc.1; Instr. Austriaca: « uxor ubi maritus, minorennes ubi parentes, tutor, verum habent do- micilium ».

Ex hucusque dictis, prosequitur patronus, veluti prono alveo fluit, Annam prius domicilium habuisse, veluti omnes minores, apud patrem (vel in Brasilia, vel à Estadens parvi interest), idque per totum temporis spatium, quo sub pa- terna potestate degit. Patre demortuo, in potestatem ma- tris ipso facto transiit, quod quidem speciem non mutat, quia uxor habet domicilium mariti. Matre demortua, patria potestas ad tutorem transivit et cum patria potestate, do- micilium pupillae. Si vero tutor in Brasilia morabatur, quod in dubium revocari nequit, necessario sequitur domicilium iuris Annae, parentibus vita functio, fuisse in Brasilia apud patruum.