LUBLINEN. SEU VARSAVIEN. • 665

•II. Ad defectum scripturae actus delegationis, qui in nullo libro parochiali reperiatur, resp. verbis defensoris War- saviensis : « In parochia rurali tam raro occurrunt casus ut opus sit instrumentum delegationis ad nuptias alibi bene- dicendas conficiatur et extradatur, ut plerumque parochi nullos libros ad hunc specialiter finem comparatos detineant, quum praesertim ius Ecclesiasticum plenam hac in re li- bertatem relinquat a constitutionibus vero provincialibus vel dioecesanis nihil praecise sit statutum. Iaworowski expresse ait in paroecia Trzeszczany, quamvis in gerendis actis exi- mius cernatur ordo, librum eiusmodi non haberi ».

III. Ad 3. denique quod attinet sc. depositiones Olechow- scki et Winnick, quae negotium haud parvum facessere vi- dentur, notamus sequentia. Prior contendit Morysinski re- nuisse Antonio sponso petendi delegationem pro sacerdote Lissowski. Resp. 1) de hoc facto haberi tantum unum te- stem : sed testis unus testis nullus : 2) negatio haec de qua testis, non infert negationem usque ad tempus nuptiarum. Hinc cum laudato Defensore Warsaviensi dicendum « Valde probabile est parochum Morysinski, quum Gniazdowski eum adiisset, sive quod matrimonio huic invitus esset, sive quod nuptias .apud se celebrari vellet, sive demum quod aegro- tans indignaretur, speraretque fore ut conventum a nuptiis dehortaretur, praesente teste Olechowski permissionem de- negasse. Num inde sequitur delegationem altero die vel in universum aliquando postmodum dari non potuisse, quum nempe Gniazdowski iterato ante nuptias parochum adiisset, id quod de cetero facere omnino tenebatur ».

Testis alter Winnick deponit Antonium sponsum, post- quam frustra adiissent sacerdotes Lublinenses, sibi dixisse nullam se delegationem habere. Resp. 1. Hic non de eodem facto testatur, de quo Olecowski, sed ea, quae Lublini et quidem diverso tempore acciderint, narrat, dum ille quae in parochia Trzeszczany, refert. Cum igitur neque contestes, neque testes singulares, singularitate adminiculativa, ha- bendi sunt, ut patet, non demonstrant defectum delegationis.