CONSULTORIS. 667

lemnes vero pro re gravi vel publica ecclesiae causa unicam tan- tum admittunt orationem. Siquidem unitas orationis dicit et si- gnificat solemnitatem, uti optime notat Gavantus ad titul. IX. Rubricae generalis de orationibus, num. 14, in qua legitur, quod in Missis votivis quando solemniter dicuntur pro re gravi vel pro publica Ecclesiae causa dicitur tantum una oratio: sin autem di- cuntur plures ut in Festis simplicibus. Cui Rubricae inhaeret De- cretum S. Rituum Congregationis diei 29 ianuarii 1752 in causa Ordinis Carmelitarum excalceatorum provinciae Poloniae ad 9, de- clarans, ut in Missis votivis solemnibus pro re gravi unica tan- tum oratio dicatur. Quapropter concludendum censerem respon- dendo: Si celebretur cum cantu unica debet esse oratio: secus saltem tres ut in Missis votivis.

D u b i u m V I .

An sit onus impositum Canonicis, vel potius ecclesiae?

R. In supradicto Apostolico Brevi praecipiente celebrationem Missae votivae de Spiritu Sancto in Patriarcalibus, Basilicis, et Collegiatis huius almae Urbis, atque in cunctis totius orbis Ca- thedralibus, et Collegiatis, illis verbis: ab earum Canonicis, in- dicari videtur, quod per Canonicos ea sit celebranda, veluti si ceteri cuique ecclesiae addicti quocumque nomine vocentur, sive sint Beneficiarii, sive Mansionarii ut aiunt, sive Cappellani, neque etiam ad adsistentiam huic Missae exhibendam adigantur: uno verbo praeceptum in Apostolicis Litteris expressum censendum esset onus solummodo Canonicis impositum, non vero ecclesiae, ita ut nec pars sit servitii illius diei. Verum verba illa, ab earum Canonicis, quae in praecitatis Litteris referuntur, tam stricte ac- cipi nequeunt, ut taxative de Canonicis tantum intelligantur. E t - enim cum certum sit quod plurimae ecclesiae, in quibus adsunt Capitula cleri saecularis, praeter Canonicos, alios habeant ordinis inferioris inservientes, qui Beneficiarii, Mansionarii, Cappellani vocantur, et choro pariter adiguntur, meliori alio modo con- textus Apostolici Brevis exprimi nequiverat, quam partem cleri principalem, seu melius essentialem, quae a Canonicis consti- tuitur, unice demonstrative nominando; et sic ostendendo univer- sale chorale collegium adigi ad huius Missae celebrationem tam-