MAGNO-VAR ADINEN. 667

iuramento coram iudice emisso, Henricae corpus examinarunt, et pro integritate retulerunt.

Sententia in favorem mulieris prolata, et re omni ad S. C. C. remissa, primo quidem ex audientia SSmi, habita sub die 18 huius, obtentum fuit Decretum sanationis super defectu Delegationis Apostolicae, deinde implorata fuit fa- cultas proponendi causa?n cum voto utriusque Consultoris, et animadversionibus Defensoris matrimonialis ex officio.

Disceptat io Synopt ica

V O T U M T H E O L O G I . DUO sibi inquirenda esse, ait iste, nempe: I. An constet de non consummatione matrimonii in casu? 2. An constet de causis ad dispensandum in casu?

Et ad 1. quod attinet, notum est generatim non con- summationem matrimonii tribus probationibus demonstrari, scilicet iuramento partium, corporali mulieris inspectione, et depositione testium septimae manus. Quibus positis inquirit an et quomodo haec omnia in casu verificentur.

Et primo iuramentum de non habita consummatione a partibus iuridice emissum fuisse, acta demonstrant. Et non solum constat iuramentum emissum fuisse ; sed insuper ta- lia haberi adiuncta, ex quibus partium veracitas in hoc iu- ramento emittendo luce clarior evadat. Ambo enim fassi sunt se matrimoniali actui operam dedisse et quidem libenter, sed frustra et inutiliter. Nemini autem dubium quod si partes, et praesertim vir, mentiri voluissent, inutile nisum in matrimonialem actum siluissent, et potius se nunquam convenisse simpliciter asseruissent. Dixi : praesertim vir; licet enim vir catholicus non sit, eius tamen depositio magni facienda est, eo vel quia de re agatur, quae in eius dedecus redundat. Si igitur vir 1. non catholicus, 2. iam a matri- monii vinculo, civili lege, solutus, 3. in iudicium ecclesia- sticum vocatus, rem contra seipsum manifestat, is certe verum dicere censendus est et omnem fidem meretur. Et si omnem fidem meretur dum asserit se ad mulierem accessisse