668 DECRETORUM EPISCOPALIUM

non posset absque Capituli eiusdem consensu, Cap. 5, De hisr quae fiunt a Praelatis, etc., ubi Alexander III rescripsisse legi- tur : « Fraternitati tuae mandamus, quatenus in concessionibus et confirmationibus et aliis ecclesiae tuae negotiis fratres tuos re- quiras et cum eorum consilio vel sanioris partis eadem peragas et pertractes, et quae statuenda sunt statuas et errata corrigas et evellenda dissipes et evellas ». Eiusmodi autem consensum requiri in his praesertim quae in detrimentum vergant cathedralis ec- clesiae, cap. 17 de Mai. et obed., et in iis quae referantur ad ce- lebrationem divinorum officiorum in cathedrali iuxta dispositio- nem Trid. Conc. sess. 24 de Ref. c. 12, ubi statutum legitur : « Cetera, quae ad debitum in divinis officiis regimen spectant, de- que congrua in his canendi seu modulandi ratione, de certa lege in choro conveniendi et permanendi, simulque de omnibus ecclesiae ministris, quae necessaria erunt, et si qua huiusmodi, synodus provincialis pro cuiusque provinciae utilitate et moribus certam cuique formulam praescribet. Interea vero Episcopus non minus quam cum duobus Canonicis, quorum unus ab Episcopo, alter a capitulo eligatur, in iis, quae expedire videbuntur, poterit provi- dere ». Eundemque consensum requiri in iis, quae concernant interesse Capituli, Barbosa de Canonicis, c. .42, n. 14, ita ut sine eiusmodi consensu irrita sint Decreta.

Cum itaque consuetudines de quibus sermo est, sint ratio- nabiles et legitime praescriptae, quum Episcopus eas tollere non possit absque consensu Capituli, concludebant, peierantem eum esse habendum, qui eas consuetudines observare detrectaret. Canonici enim possessionem adipiscentes iuramento promittunt privilegia, consuetudines et Capituli iura esse servaturos.

Ad secundam Decretorum classem transvolantes veluti inu- tilia reiiciebant quae habentur sub numeris 1, 3, 4, 8, 9, 10, quod numquam aliter gestum esset ac in illis praescriberetur : nominatim vero adnotabant de primo Decreto, quod Canonicus de turno, si ex causa alicuius legati vel pro speciali Benefactore Missa esset can anda, Missam pro Benefactoribus in genere pri- vatim applicaret : per Decretum octavum, Episcopum eas proces- siones iniungentem, quae a Capitulo essent extraneae, nova onera Capitulo iniungere.

Post nonnulla alia enunciata circa reliquas Decretorum classes concludebant, inflictam suspensionem nihili faciendam