fi68 MAGNO-VARADININ. fide etiam dignus est dum subiungit hoc inutiliter accidisse, quin mulierem in quaestionem vocet.

Et haec quidem ex parte viri : ex parte vero mulieris, adesse R. P. D. Episcopum, qui mulieris religionem sin- ceram et omni exceptione maiorem asserere non dubitat. Igitur ex prima probatione matrimonium Friderici cum Hen- rica haud consummatum fuisse apertissime demonstratur.

Quoad alteram probationem, quae desumitur ex corporali .mulieris inspectione et ex existentibus corporalibus signis virginitatis.

Consultor fatetur equidem hac in re, nonnulla in actis re- periri quae non essent Benedictinae Constitutioni conformia, scilicet 1. examen peractum immediate per peritos medicos, non vero per obstetrices ; 2. absentiam matronae; 3. silentium circa usum illorum mediorum, puta balnei, quae praescribun- tur ad tollendam omnem dubietatem. Attamen 1. novum non est ut aliquando inspectio fiat immediate per peritos medicos, omissis obstetricibus, praesertim si adsint speciales rationes, quae in casu non defuisse censendae sunt ; timuit enim mulier, ne obstetrices sufficienti scientia carerent ad rectum effor- mandum iudicium: unde ad sibi consulendum potius passa est a peritis medicis examinari. Praeterea animadvertendum quod tres selecti ad inspectionem perficiendam, praeterquam- quod iuramentum iuridice emiserunt, fuerunt insuper omnes ex peritioribus chirurgicae artis, ideoque in casu maxime competentes, et praesertim primus, qui fuit D. Marchus Konrad Professor Instituti Obstetricii in civitate Magno- Varadinensi. Nec obstat 2. absentia matronae, nam in primis an revera abfuerit nescimus, et praeterea certum est ma- tronae praesentiam requiri ad pudorem servandum, non vero ad validam reddendam inspectionem. Demum 3. quod attinet ad media, quae non adhibita supponuntur, idem ac supra dicendum, scilicet ex actis non resultare quidem quod fue- rint adhibita, sed neque resultare quod fuerint omissa. Ce- terum, ut postea videbimus, ex testimonio inspectionis clare patet quod etsi media illa fuerint omissa, nullum tamen causae