668 LUBLINEN. SEU VARSAVIEN.

quod sapientissime Ioannes Chrysostomus scribit in Libro De Sacerdotio (Lib. III, cap. 14): « Sane Sacerdotem opor- tet ceu quibusdam adamantinis armis undequaque muniri, assiduo nempe studio, et perenni circa vitam vigilantia, un- dique circumspiciendo, ne quis nudo ac neglecto loco reper- to, letale infligat vulnus. Omnes enim circumstant parati ut vulnerent ac deiiciant, non modo ex inimicis multi, sed etiam ex iis, qui amicitiam simulant ». Et re quidem vera, Sac. Carolus Lissowski propinquus Antonii Gniazdowski, cuius matrimonium benedixit, est, ut ita dicam, totus car- do rei, quae modo definienda est per sapientissimum iudi- cium E E . VV.

Agitur nempe de asserta nullitate matrimonii inter Ioan- nam Ciechanowska et Antonium Gniazdowski ex clandesti- nate. Si Sac. Carolus Lissowski esset in officio suo adim- plendo, qualem exoptat Sancta Mater Ecclesia, neque Causa haec ortum habuisset, et, si praeter voluntatem eius orta fuisset, facillime dirimi poterat. Quae modo innuo, ex his, quae in medium afferam, luce clariora, ut puto, fient. Ex Actis apparet manifeste totam rationem decidendi pendere ex hoc : habuerit nec ne Sac. Carolus Lissowski delegatio- nem ad benedicendas nuptias a parocho Morysinski. Diffi- cultas in eo est posita, quod parochus Morysinski iam de- functus sit, et de matrimonio celebrato non exstet docu- mentum scriptum in libro matrimoniorum Paroeciae, cui praeerat Morysinski ; et proinde Matrimonium hoc initum coram alio Sacerdote de licentia nec ne Parochi, probari debeat per testes, vel alias aequipollentes probationes, licet in libris Parochialibus non fuerit adnotatum. Principia no- tissima iuris sunt, quae concise Clar. Card. D'Annibale de- scribit (Lib. III Tract. VI. De Matrim. Cap. II. in Summula Theol. Mor.) « Principio igitur propter favorem matrimonii testes adhiberi possunt, dummodo sint natura idonei (V. II, 312, 1), etiam iure inhabiles, ut infames. (Sánchez, III, 41, 5). Parochus quoque adest (non praeest) quasi testis qualificatus (authorizabilis); nec ulla seu ordinis seu iuris-